Лінкі ўнівэрсальнага доступу

МАНС НІБЭРГ: КНГ АБСЭ НЯ РОБІЦЬ НІЧОГА, ШТО ПЕРАВЫШАЛА Б ЯЕ МАНДАТ


Максім Лукашэвіч, Прага

(Карэспандэнт: ) “Ці адпавядае падрыхтоўка назіральнікаў за выбарамі або дапамога ў падрыхтоўцы назіраньня міжнароднай практыцы і, у прыватнасьці, мандату місіяў АБСЭ у краінах гэтай арганізацыі?”

(Нібэрг: ) “Безумоўна. КНГ АБСЭ ў Менску ніколі не рабіла нічога, што перавышала б яе мандат. Гэта не адзін раз было растлумачана ўладам у Менску. КНГ АБСЭ ў Менску дзейнічае выключна ў рамках свайго мандату, і працэс навучаньня ўнутраных назіральнікаў за выбарамі, як і фінансаваньне гэтага працэсу, ёсьць абсалютна празрыстыя і абсалютна адпавядаюць нармальным працэдурам АБСЭ для такога навучаньня. Такім чынам, АБСЭ вельмі цяжка зразумець стаўленьне беларускага ўраду да гэтага пытаньня”.

(Карэспандэнт: ) “Ці былі выпадкі ў практыцы прадстаўніцтваў АБСЭ у асобных краінах, калі кіраўнік такога прадстаўніцтва быў бы абвешчаны “пэрсонай нон-грата?”

(Нібэрг: ) “Гэта здарылася толькі аднаго разу, калі рэжым Слабадана Мілошавіча адмовіў у прыезьдзе ў Бялград спадару Гансалесу, калі ён быў кіраўніком КНГ АБСЭ ў Югаславіі. Так што адзін раз такое ўжо здаралася”.

(Карэспандэнт: ) “Значыцца, другі выпадак можа здарыцца ў Беларусі?”

(Нібэрг: ) “Так, калі зважаць на апошнія падзеі. Але я мушу сказаць, што гэта сапраўды ўнікальная сытуацыя, калі краіна, якая запрасіла місію АБСЭ для дапамогі працэсу дэмакратызацыі, цяпер пагражае выслаць кіраўніка місіі. Гэта сапраўды ўнікальна”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG