(Асташонак: ) “Нас тут каля 30 чалавек. Людзі стаяць пад бел-чырвона-белымі сьцягамі, трымаюць плякаты “Лукашэнка – духоўны Чарнобыль”, “Стоп лукашызму”, “Лукашызм, камунізм – злачынцы”, “Свабоду палітвязьням”, “Свабоду мас мэдыям”, “Свабоду выбарам”.
(Карэспандэнт: ) “Ці выйшаў нехта зь беларускай амбасады да вас?”
(Асташонак: ) “Як заўсёды, ніхто ня выйшаў. Мы ж ня першы раз ладзім тут пікет. Яшчэ ніводнага разу да грамадзянаў беларусі ня выйшаў афіцыйны прадстаўнік краіны. Таму нашая акцыя разьлічаная на інфармаваньне грамадзкіх і афіцыйных структураў Бэльгіі аб становішчы ў Беларусі. У год прэзыдэнцкіх выбараў у Беларусі Бэльгія будзе старшыняваць у Эўрапарлямэнце. Мы зьвяртаемся да ўсіх беларусаў у эўрапейскіх краінах із заклікам гуртаваца і выступаць адзіным фронтам супраць дыктатуры”.
(Карэспандэнт: ) “Ці рыхтуеце вы пэтыцыю да беларускай амбасады?”
(Асташонак: ) “Так, але ніхто да нас не выходзіць”.