Вячорку судзілі два дні і нават не далі слова ў спрэчках. Гэта выклікала вельмі адмоўную рэакцыю ў прысутных, сярод якіх былі прадстаўнікі АБСЭ і амэрыканскай амбасады.
Супрацоўнікі міліцыі Цэнтральнага РАУС Менску прыцягваюць да адміністрацыйнай адказнасьці ўсё больш удзельнікаў апазыцыйнай акцыі 25 сакавіка. На сёньняшні дзень іх колькасьць узрасла з адзінаццаці да дваццаці аднаго. Міліцыянты пасьля прагляду апэратыўнай відэастужкі высьвятлілі асобы тых удзельнікаў шэсьця, на якіх мелі зьвесткі ў картатэцы.
Учора позна ўвечары супрацоўнікі Цэнтральнага РАУСу развозілі па кватэрах позвы ў міліцыю.
Першым з новага сьпісу сёньня судзілі намесьніка старшыні гарадзкой арганізацыі АГП Уладзімера Раманоўскага. Суд перанесены на 10 красавіка. А Язэп Бурко атрымаў папярэджаньне.