Лінкі ўнівэрсальнага доступу

У ВІЦЕБСКУ МОЛАДЗЕВЫЯ ФРАКЦЫІ АГП І БНФ ДЭМАНСТРАВАЛІ АСОБНА


Браніслава Станкевіч, Віцебск

Маладыя людзі раздавалі адмысловыя віншавальныя ўлёткі з інфармацыяй пра дзейнасьць АГП у Віцебску, а таксама сьвежы нумар “Гражданской газеты”.

Калярытная група з сэрцайкамі на грудзёх неаднаразова прыцягвала ўвагу і віцебскіх міліцыянтаў. Большасьць ахоўнікаў парадку весела прымала віншаваньні. Раздаўшы ўлёткі сябры АГП разышліся, а ўсе цікаўныя віцябляне пачалі сьцягвацца на ратушную плошчу, дзе мелася адбыцца несанкцыянаваныя акцыя Маладога Фронту.

Каля 17 гадзінаў вакол Ратушнай плошчы “прагульвалася” мноства міліцыянтаў, але арганізатары спазьняліся, і ўзмоцненыя сілы істотна парадзелі.

Нарэшце найбольш цярплівыя гледачы свайго дачакаліся ды атрымалі ў падарункі рознакаляровыя валянцінкі, прэзэрватывы ды паветраныя балёнікі. Калі старшыня віцебскай філіі Маладога Фронту Віктар Шляхцін разгарнуў бел-чырвона-белы сьцяг, да яго рушыў падпалкоўнік міліцыі Бугаёў ды запатрабаваў спыніць акцыю. Сьцяг прыхавалі, але моладзь, незважаючы на міліцыянтаў, працягвала раздаваць валянцінкі, сьцьвярджаючы тым самым, што каханьне непераможнае.


XS
SM
MD
LG