Лінкі ўнівэрсальнага доступу

Навіны 20 сьнежня 2000 г.


Сяргей Астраўцоў, Горадня

У Горадні створаны абласны штаб для падрыхтоўкі дэмакратычных сілаў да будучых прэзыдэнцкіх выбараў.

Па словах аднаго з удзельнікаў штабу — Сяргея Мальчыка, з гэтага кроку на Гарадзеншчыне распачалася падрыхтоўка да выбарчае кампаніі. Ён таксама падкрэсьліў, што агітацыя будзе праводзіцца менавіта за таго адзінага кандыдата, якога ў будучым часе вылучаць дэмакратычныя сілы.

А пакуль пачнецца стварэньне адпаведных структураў з удзельнікаў і прыхільнікаў грамадзкіх і палітычных арганізацый вобласьці. А менавіта будуць падбірацца асобы для працы ў выбарчых камісіях, для назіраньня за выбарамі ды іншыя. Напрыклад, толькі ў Горадні знаходзіцца 117 выбарчых участкаў. На наступным тыдні будзе стварацца гарадзенскі гарадзкі штаб для падрыхтоўкі правядзеньня будучых выбараў.

XS
SM
MD
LG