Лінкі ўнівэрсальнага доступу

Навіны 11 верасьня 2000 г.


Уладзімір Глод, Менск

Новыя кадравыя прызначэньні, зробленыя Аляксандрам Лукашэнкі…

Сёньня Аляксандар Лукашэнка зрабіў два значныя кадравыя прызначэньні. Аляксандар Кулічкоў цяпер будзе працаваць ягоным памочнікам, а Аляксандар Герасіменка зойме пасаду намесьніка міністра замежных справаў Беларусі.

Хутчэй за ўсё, спадар Кулічкоў будзе дарадцам Лукашэнкі ў эканамічных пытаньнях. Былы памочнік – спадар Капітула пайшоў у чарговы адпачанак, а на былую пасаду вяртацца не зьбіраецца.

Прызначэньне былога магілеўскага губэрнатара выклікае поўнае неразуменьне. Рэч у тым, што Аляксандар Кулічкоў быў жорстка раскрытыкаваны Аляксандрам Лукашэнкам больш за год назад на нарадзе ў адміністрацыі. Ён нават быў вызвалены з пасады старшыні Магілеўскага аблвыканкаму беспасярэдне на паседжаньні. За кепскую працу.

Пасьля Аляксандар Кулічкоў працаваў клеркам у вышэйшай палаце так званага Нацыянальнага сходу.

Што да Аляксандра Герасіменкі, дык ён у свой час быў старшынём Менскага гарадзкога выканаўчага камітэту, дэпутатам Вярхоўнага Савету 12-га скліканьня, а апошнія 5 гадоў працаваў амбасадарам Беларусі ў Баўгарыі.

XS
SM
MD
LG