29 жніўня, напярэдадні прызначанага на сераду паседжаньня тэхнічнае канфэрэнцыі ў справах Беларусі, зь Менску ў Вену адлятае дэлегацыя беларускай палітычнай апазыцыі. У ейны склад уваходзяць Анатоль Лябедзька й Вінцук Вячорка. Склад апазыцыйнае дэлегацыі ўдакладнялі, як кажуць, у рабочым парадку. Патрэбна было прызначыць дарадцу кіраўніку дэлегацыі спадара Лябедзьку. Усе пагадзіліся з кандыдатураю Вінцука Вячоркі. Першапачаткова, дарэчы, плянавалася, што ў Вене як беларускія ўлады, гэтак і апазыцыю будуць прадстаўляць па тры асобы. Аднак даволі складаныя фінансавыя магчымасьці АБСЭ вымусілі зьменшыць квоту. Як паведамілі зь Вены, у рэглямэнце паседжаньня ўжо зафіксавана, што кожнай зь беларускіх дэлегацыяў, нягледзячы на іх колькасны і асабовы склад, даецца права толькі аднаго выступу. Сёньня Анатоль Лябедзька й Вінцук Вячорка працавалі над тэкстам прамовы. (Карэспандэнт: ) «На якія вынікі паседжаньня ў Вене разьлічвае Анатоль Лябедзька?» (Лябедзька: ) «Запрашэньне прадстаўнікоў дэмакратычнай аб'яднанай апазыцыі ў Вену я расцэньваю як станоўчы факт. Натуральна, на такім важным паседжаньні, калі б гучала думка толькі беларускага ўраду, гэта былі б прэфэрэнцыі для аднаго боку. Цяпер мы можам на раўнапраўнай аснове выказаць сваю пазыцыю. Мы разьлічваем, натуральна, на лепшае, але прызнаем, што за апошнія месяцы сытуацыя зьмянілася. І трэба прызнаць, што гэта не заслуга беларускіх уладаў, але вынік дзеяньняў пэўнай часткі людзей, якія атаясамліваюць сябе з апазыцыяй». Між тым, кіраўнік Кансультацыйна-назіральнае групы АБСЭ ў Беларусі Ганс-Георг Вік незадоўга да свайго адлёту ў Вену (у прыватнасьці, на сустрэчы з экспэртамі ў пытаньні мас-мэдыяў ад палітычнай апазыцыі) заўважыў, што беларускі Выбарчы кодэкс у апошняй рэдакцыі не такі ўжо й дрэнны. І калі б высновы рабіліся толькі на падставе выбарчага заканадаўства, дык выбары можна было б праводзіць, а затым і ўздымаць пытаньне пра прызнаньне іх дэмакратычнымі. Аднак ў Вене, падкрэсьліў амбасадар Вік, пытаньне будзе разглядацца не на арганізацыйным, а на палітычным узроўні. І ўвогуле, міжнародныя арганізацыі неаднаразова заяўлялі пра комплексны падыход да беларускага пытаньня. Аднак ня выключана, што ў Вене, вяртаючыся да чатырох умоў прызнаньня выбараў у Беларусі дэмакратычнымі й справядлівымі, могуць прыйсьці да высновы, што адна з умоваў выкананая. Што думае пра гэта Анатоль Лябедзька. (Лябедзька: ) «Нават тыя зьмены, якія былі зробленыя, не гарантуюць, што працэс будзе празрысты і што ёсьць магчымасьць сьцьвярджаць, што выбары будуць адносна справядлівыя і адносна дэмакратычныя. Лукашэнка пагадзіўся нешта рабіць толькі ў фармаце першага пытаньня. Аднак гэта не азначае, што зроблена дастаткова для дэмакратызацыі выбараў»
29 жніўня, напярэдадні прызначанага на сераду паседжаньня тэхнічнае канфэрэнцыі ў справах Беларусі, зь Менску ў Вену адлятае дэлегацыя беларускай палітычнай апазыцыі. У ейны склад уваходзяць Анатоль Лябедзька й Вінцук Вячорка. Склад апазыцыйнае дэлегацыі ўдакладнялі, як кажуць, у рабочым парадку. Патрэбна было прызначыць дарадцу кіраўніку дэлегацыі спадара Лябедзьку. Усе пагадзіліся з кандыдатураю Вінцука Вячоркі. Першапачаткова, дарэчы, плянавалася, што ў Вене як беларускія ўлады, гэтак і апазыцыю будуць прадстаўляць па тры асобы. Аднак даволі складаныя фінансавыя магчымасьці АБСЭ вымусілі зьменшыць квоту. Як паведамілі зь Вены, у рэглямэнце паседжаньня ўжо зафіксавана, што кожнай зь беларускіх дэлегацыяў, нягледзячы на іх колькасны і асабовы склад, даецца права толькі аднаго выступу. Сёньня Анатоль Лябедзька й Вінцук Вячорка працавалі над тэкстам прамовы. (Карэспандэнт: ) «На якія вынікі паседжаньня ў Вене разьлічвае Анатоль Лябедзька?» (Лябедзька: ) «Запрашэньне прадстаўнікоў дэмакратычнай аб'яднанай апазыцыі ў Вену я расцэньваю як станоўчы факт. Натуральна, на такім важным паседжаньні, калі б гучала думка толькі беларускага ўраду, гэта былі б прэфэрэнцыі для аднаго боку. Цяпер мы можам на раўнапраўнай аснове выказаць сваю пазыцыю. Мы разьлічваем, натуральна, на лепшае, але прызнаем, што за апошнія месяцы сытуацыя зьмянілася. І трэба прызнаць, што гэта не заслуга беларускіх уладаў, але вынік дзеяньняў пэўнай часткі людзей, якія атаясамліваюць сябе з апазыцыяй». Між тым, кіраўнік Кансультацыйна-назіральнае групы АБСЭ ў Беларусі Ганс-Георг Вік незадоўга да свайго адлёту ў Вену (у прыватнасьці, на сустрэчы з экспэртамі ў пытаньні мас-мэдыяў ад палітычнай апазыцыі) заўважыў, што беларускі Выбарчы кодэкс у апошняй рэдакцыі не такі ўжо й дрэнны. І калі б высновы рабіліся толькі на падставе выбарчага заканадаўства, дык выбары можна было б праводзіць, а затым і ўздымаць пытаньне пра прызнаньне іх дэмакратычнымі. Аднак ў Вене, падкрэсьліў амбасадар Вік, пытаньне будзе разглядацца не на арганізацыйным, а на палітычным узроўні. І ўвогуле, міжнародныя арганізацыі неаднаразова заяўлялі пра комплексны падыход да беларускага пытаньня. Аднак ня выключана, што ў Вене, вяртаючыся да чатырох умоў прызнаньня выбараў у Беларусі дэмакратычнымі й справядлівымі, могуць прыйсьці да высновы, што адна з умоваў выкананая. Што думае пра гэта Анатоль Лябедзька. (Лябедзька: ) «Нават тыя зьмены, якія былі зробленыя, не гарантуюць, што працэс будзе празрысты і што ёсьць магчымасьць сьцьвярджаць, што выбары будуць адносна справядлівыя і адносна дэмакратычныя. Лукашэнка пагадзіўся нешта рабіць толькі ў фармаце першага пытаньня. Аднак гэта не азначае, што зроблена дастаткова для дэмакратызацыі выбараў»
Самае папулярнае
1