Лінкі ўнівэрсальнага доступу

Навіны 29 чэрвеня 2000 г.


Ягор Маёрчык, Менск

Разгляд справы "Беларуская Асацыяцыя маладых палітыкаў супраць Міністэрства юстыцыі" адкладзены на 20 ліпеня. Такое рашэньне прыняла сёньня судзьдзя Вярхоўнага Суду Беларусі спадарыня Сакалоўская з прычыны таго, што двое з чатырох прадстаўнікоў Асацыяцыі не зьявіліся на судовае паседжаньне.

Канфлікт паміж Міністэрствам юстыцыі і грамадзкай арганізацыяй доўжыцца ўжо больш за год. Міністэрства не зарэгістравала БАМП на той падставе, што ейны статут, нібыта, супярэчыць заканадаўству Рэспублікі Беларусь.

Прэзыдэнт Асацыяцыі Аляксандар Цынкевіч у інтэрвію нашаму карэспандэнту адверг прэтэнзіі міністэрства. Цынкевіч не выключае, што Міністэрству юстыцыі загадана не рэгістраваць БАПМ.

Беларуская Асацыяцыя маладых палітыкаў – недзяржаўнае аб'яднаньне, асноўная мэта якога – ажыцьцяўленьне адукацыйных праграмаў для маладых актывістаў палітычных партыяў і грамадзкіх арганізацыяў у галінах паліталёгіі, эканомікі й права.

XS
SM
MD
LG