Хаця ў Менску абяцанай навальніцы так і не адбылося, у Ню-Ёрку пікет падтрымкі "Чарнобыльскага шляху" прайшоў пад моцным дажджом. Перадае Галіна Прыгара Беларускія арганізацыі ў Амэрыцы ў гэтым годзе выступаюць з падтрымкай усіх масавых акцыяў менскай "Вясны 2000". "Чарнобыльскі шлях" у Ню-Ёрку быў падтрыманы пікетам мясцовых беларускіх арганізацыяў. Пікет адбыўся каля будынку ААН. Зараз у Ню-Ёрку надзвычай халоднае надвор"е. Пад час пікету йшоў даволі моцны дождж. Тым ня менш, больш за 20 пікетоўцаў гадзіну трымалі бел-чырвона-белыя сьцягі і плякаты. Па традыцыі ў памяць ахвяраў чарнобыльскай катастрофы былі запаленыя сьвечкі. Старшыня Беларуска-амэрыканскага задзіночаньня Антон Шукілойць нагадаў прысутным, што ў дзень Чарнобыльскай аварыі беларусы незвычайна зьбіраюцца ў Ню-Ёрку каля будынку ААН: (Шукялойць: ) "Ня ўсе можа ведаюць, ўсе хто толькі з нас тут быў, калі на пачатку 90-х гадоў, калі кароткі гэты час Беларусь сапраўды была незалежнай дзяржавай, тады міністар замежных справаў пастараўся, каб у будынках аб"еднаных нацыяў адна з прыгожых заляў была ўдэкараваная вялікім дываном выдатнага беларускага мастака Кішчанкі. Нямнога народаў маюць памяткі ў гэтых будынках. Аднак, Беларусь у гэныя часы змагла дабіцца, каб адна з заляў была ўдэкараваная вялікім дываном, прысьвечаным аварыі на ЧАЭС." Выступаў на пікеце і паэт Славамір Адамовіч. Ён упершыню ў Ню- Ёрку бярэ ўдзел у масавых акцыях беларускай грамады. (Адамовіч: ) "Мне тут папярэдне сказалі, што ў нас у Менску адносна спакойна прайшлі мітынг і шэсьце. Я гэтаму рады. Не так, як 25-га сакавіка, калі я браў удзел і быў затрыманы два разы цягам дня. Цікава, што ня бачу паліцыі, ніхто не стараецца, ну ўжо не кажу прасіць нас пайсьці зь пікету, але й не перашкаджае правядзеньню нашай акцыі." Славамір Адамовіч заўважыў таксама, што ўхваляе палітычную актыўнасьць эмігрантаў новай хвалі ў Амэрыцы. Напрыканцы мерапрыемства была прынятая рэзалюцыя- зварот да амэрыканскага ўраду. У гэтым звароце ўвага надаецца ліквідацыі наступстваў чарнобыльскай аварыі ў Беларусі і ігнараваньню праблемы сёньняшнім кіраўніцтвам Беларусі. Рэзалюцыя была зацьверджаная на пікеце, і яе тэкст будзе адпраўлены ў амэрыканскія ўрадавыя ўстановы.
Хаця ў Менску абяцанай навальніцы так і не адбылося, у Ню-Ёрку пікет падтрымкі "Чарнобыльскага шляху" прайшоў пад моцным дажджом. Перадае Галіна Прыгара Беларускія арганізацыі ў Амэрыцы ў гэтым годзе выступаюць з падтрымкай усіх масавых акцыяў менскай "Вясны 2000". "Чарнобыльскі шлях" у Ню-Ёрку быў падтрыманы пікетам мясцовых беларускіх арганізацыяў. Пікет адбыўся каля будынку ААН. Зараз у Ню-Ёрку надзвычай халоднае надвор"е. Пад час пікету йшоў даволі моцны дождж. Тым ня менш, больш за 20 пікетоўцаў гадзіну трымалі бел-чырвона-белыя сьцягі і плякаты. Па традыцыі ў памяць ахвяраў чарнобыльскай катастрофы былі запаленыя сьвечкі. Старшыня Беларуска-амэрыканскага задзіночаньня Антон Шукілойць нагадаў прысутным, што ў дзень Чарнобыльскай аварыі беларусы незвычайна зьбіраюцца ў Ню-Ёрку каля будынку ААН: (Шукялойць: ) "Ня ўсе можа ведаюць, ўсе хто толькі з нас тут быў, калі на пачатку 90-х гадоў, калі кароткі гэты час Беларусь сапраўды была незалежнай дзяржавай, тады міністар замежных справаў пастараўся, каб у будынках аб"еднаных нацыяў адна з прыгожых заляў была ўдэкараваная вялікім дываном выдатнага беларускага мастака Кішчанкі. Нямнога народаў маюць памяткі ў гэтых будынках. Аднак, Беларусь у гэныя часы змагла дабіцца, каб адна з заляў была ўдэкараваная вялікім дываном, прысьвечаным аварыі на ЧАЭС." Выступаў на пікеце і паэт Славамір Адамовіч. Ён упершыню ў Ню- Ёрку бярэ ўдзел у масавых акцыях беларускай грамады. (Адамовіч: ) "Мне тут папярэдне сказалі, што ў нас у Менску адносна спакойна прайшлі мітынг і шэсьце. Я гэтаму рады. Не так, як 25-га сакавіка, калі я браў удзел і быў затрыманы два разы цягам дня. Цікава, што ня бачу паліцыі, ніхто не стараецца, ну ўжо не кажу прасіць нас пайсьці зь пікету, але й не перашкаджае правядзеньню нашай акцыі." Славамір Адамовіч заўважыў таксама, што ўхваляе палітычную актыўнасьць эмігрантаў новай хвалі ў Амэрыцы. Напрыканцы мерапрыемства была прынятая рэзалюцыя- зварот да амэрыканскага ўраду. У гэтым звароце ўвага надаецца ліквідацыі наступстваў чарнобыльскай аварыі ў Беларусі і ігнараваньню праблемы сёньняшнім кіраўніцтвам Беларусі. Рэзалюцыя была зацьверджаная на пікеце, і яе тэкст будзе адпраўлены ў амэрыканскія ўрадавыя ўстановы.
Самае папулярнае
1