Лінкі ўнівэрсальнага доступу

Навіны 29 сакавіка 2000 г.


Алена Ціхановіч

Сёньня ў міністэрстве замежных справаў Чэхіі з захаваньнем дыпляматычнага пратаколу была прынятая старшыня Рады БНР Івонка Сурвілла, а таксама Васіль Быкаў, які знаходзіцца у Празе на запрашэньне Радыё Свабода.

Старшыню рады БНР прыняў намесьнік міністра замежных справаў Марцін Палоўш.

Супрацоўнікі міністэрства паінфармавалі, што сустрэча адбылася нягледзячы на афіцыйны пратэст беларускай амбасады ў Празе, якая выслала ноту пратэсту з нагоды афіцыйных сутрэчаў кіраўніка Рады БНР з чэскім кіраўніцтвам.

Чэскае МЗС у адказ патлумачыла, што сустрэчы зь беларускімі дзеячамі абумоўленыя заклапочанасьцю Чэскай Рэспублікі сытуацыяў з правамі чалавека ў Беларусі.

Сёньня ж Івонка Сурвілла і Васіль Быкаў наведалі адміністрацыю прэзыдэнта Вацлава Гавэла, дзе адбыўся абмен думкамі ў справе сытуацыі ў Беларусі, а таксама пэрспэктываў інтэграцыі з Расеяй. Абмяркоўваліся магчымасьці дапамогі у справе навучаньня беларускіх студэнтаў у Чэхіі.

Візыт Івонкі Сурвіллы і Васіля Быкава працягваецца.

XS
SM
MD
LG