Лінкі ўнівэрсальнага доступу

logo-print

Навіны 14 сакавіка 2000 г.


Алег Жукоўскі, Віцебск

Сёньня ўжо з упэўненасьцю можна сказаць, што "Марш Свабоды – 2" у Віцебску – адбудзецца. Свой удзел у ім на паседжаньні Каардынацыйнай рады дэмакратычных партыяў і іншых арганізацыяў пацьвердзілі ўсе прадстаўнікі….

Нягледзячы на перашкоды ўладаў, якія забаранілі заплянаванае праз увесь горад шэсьце і перанесьлі месца збору ўдзельнікаў на традыцыйную Ратушную плошчу, многія суполкі вырашылі сабрацца на цэнтральнай плошчы Перамогі. Пра што і абвесьцілі ва ўлётках.
Ужо адтуль арганізавана, няхай і са згорнутымі сьцягамі і плякатамі, яны пойдуць да афіцыйна прызначанага месца.

Мясцовае рэклямнае агенцтва пад націскам уладаў у апошні момант адмовілася разьвешваць па горадзе абвесткі пра "Марш Свабоды – 2". Хаця грошы былі пералічаныя своечасова. Зьлякаўся даць бягучы радок пра акцыю і гарадзкі 6-ты тэлевізійны канал. Гэта звузіла магчымасьці арганізатараў, але яны былі падрыхтаваныя да такой хады падзеяў.

Адмова ўладаў даць дазвол на правядзеньне паўнавартаснага мерапрыемства прымусіла лідэраў абласной і гарадзкой арганізацыяў Аб"яднанай грамадзянскай партыі, якія замаўлялі акцыю паралельна з суполкай БНФ "Адраджэньне", зьвярнуцца з адкрытым лістом пратэсту да ўладаў. У лісьце падкрэсьліваецца, што ўлады, якія забараняюць апазыцыі зьвяртацца да народу праз афіцыйныя сродкі масавай інфармацыі, безумоўна баяцца любой магчымасьці данесьці праўду да людзей.

Ськіроўваючы шэсьце па нешматлюдных вуліцах з красамоўнымі назвамі Суворава, Урыцкага да плошчы Леніна, улады спрабуюць схаваць ад месьцічаў той факт, што далёка ня ўсе ў Віцебску падтрымліваюць палітыку Аляксандра Лукашэнкі, якая зрабіла народ жабраком і празь якую губляецца незалежнасьць краіны.

Аб"яднаныя дэмакраты ў такіх варунках у знак пратэсту адклікалі сваю заяву на правядзеньне шэсьця. І зараз адказнасьць за правядзеньне "Маршу Свабоды – 2" цалкам узяла на сябе гарадзкая рада БНФ "Адраджэньне" пад кіраўніцтвам Вінцука Вячоркі і яе лідар Васіль Шалухін. Але ўдзельнічаць у акцыі прадстаўнікі АГП будуць.

Апроч таго, прынятае рашэньне накіраваць у абласны цэнтар сваіх прадстаўнікоў суполкі з розных арганізацыяў з многіх раёнаў Віцебскай вобласьці. Нават з такіх аддаленых ад Віцебску рэгіёнаў як, напрыклад, Шаркаўшчынскі.

XS
SM
MD
LG