Лінкі ўнівэрсальнага доступу

Навіны 20 верасьня 1999 г.


Тэма № 1 сёньня — гэта зьнікненьне Віктара Ганчара, лёсам якога заклапочана ня толькі ягоная сям'я, калегі ці беларускія дэмакратычныя арганізацыі.

Так, мы атрымалі афіцыйны адказ-рэакцыю на гэтую падзею з амбасады Злучаных Штатаў Амэрыкі ў Менску. У адказе сказана:

"Урад Злучаных Штатаў ведае і вельмі непакоіцца з нагоды зьнікненьня беларускага апазыцыйнага лідэра Віктара Ганчара. Спадар Ганчар не прыйшоў дадому ўвечары 16 верасьня, і не зьявіўся на загадзя прызначаную сустрэчу з амбасадарам ЗША 17 верасьня. Ад таго часу ягоная сям'я ня мае ад яго аніякіх вестак.

Мы ўжо выказалі занепакоенасьць ЗША ў гэтым пытаньні ўраду Беларусі, і заклікалі яго зрабіць усё, што ў ягоных сілах, каб высьвятліць, дзе знаходзіцца спадар Ганчар, і захаваць ягоную бясьпеку.

Урад Злучаных Штатаў неаднаразова зьвяртаўся да беларускага ўраду па тлумачэньні з нагоды двух іншых зьнікненьняў, якія адбыліся сёлета — былога старшыні Нацыянальнага банку Беларусі Тамары Віньнікавай і былога міністра нутраных справаў Юрыя Захаранкі, які зьнік пасьля крытыкі ў бок кіраўніцтва краіны.

Мы занепаоеныя тым, дзе знаходзяцца і ў якой бясьпецы спадарыня Віньнікава й гэнэрал Захаранка, і разглядаем зьнікненьне спадара Ганчара, як вельмі трывожны працяг гэтага ланцужку.

17 верасьня 1999 году
Першы сакратар амбасады ЗША, дырэктар Інфармацыйнае службы ЗША Даяна Максэй."

XS
SM
MD
LG