Працягваецца сьледзтва ў справе самазабойства Эдуарда Швэдава, калісьці першага сакратара магілеўскага абкаму КПБ, апошнім часам намесьніка дырэктара ўправы акцыянэрнага банку "Пошук". Пракуратура па-ранейшаму прытрымліваецца асноўнае вэрсыі: банкір Эдуард Швэдаў пайшоў з жыцьця з-за страху быць прыцягнутым да адказнасьці за парушэньні пры выдачы крэдытаў. На карысьць гэтай вэрсыі прыводзіцца факт яго перамяшчэньня з пасады дырэктара на прыступку ніжэй. Пракурор вобласьці Анатоль Дудкін сьцьвярджае, што перад сьмерцю Эдуард Швэдаў напісаў яму ліст, у якім прызнаўся ў парушэньнях. Аднак, аніводзін прадстаўнік сродкаў масавае інфармацыі гэтага лісту ня бачыў. У той жа час у асяродку магілеўцаў зьявілася іншая вэрсыя на памінальным мітынгу казалі, што спадар Швэдаў быў жыцьцялюбным і энэргічным чалавекам, і ня мог проста так пайсьці з жыцьця. На мітынгу казалі, што ліст, які напісаў спадар Швэдаў, на самай справе быў накіраваны не пракурору, а дырэктару ўправы банку. Нібыта ў ім банкір заявіў, што ён анічога не парушаў, але ў зьвязку з тым, што пракуратура патрабуе ад яго прызнаньня, ён ня можа абразіць сваё імя й мусіць пакінуць гэты сьвет. Адзін з супрацоўнікаў банку, які пажадаў застацца невядомым, патэлефанаваў карэспандэнту беларускай рэдакцыі Радыё Свабода і падцьвердзіў гэтую вэрсыю. Маўляў, Эдуард Швэдаў застрэліўся, нявытрымаўшы бясконцых праверак. Дырэктар управы банку адмаўляецца камэнтаваць гэтую вэрсыю. Пакуль што журналісты ня бачылі ніводнага зь перадсьмяротных лістоў у падцьверджаньне той ці іншай вэрсыі, таму зараз складана меркаваць аб прычынах ягонай сьмерці. Аднак, як вядома, там, дзе няма поўнай інфармацыі, а сьледзтва вядзецца ва ўмовах сакрэтнасьці, працэсы абрастаюць чуткамі. Час ад часу жыхары горада задаюць сабе пытаньне: чаму ў першую чаргу шлях самазабойства выбіраюць жыцьцялюбныя людзі і параўноўваюць сьмерць Валерыя Ткачова й Эдуарда Швэдава. Абодва былі жыцьцялюбнымі людзьмі й буйнымі прадпрыймальнікамі, абодва ў свой час займалі добрыя мейсцы на савецка-партыйнай службовай лесьвіцы, абодва (па афіцыйнай вэрсыі) скончылі жыцьцё самагубствам. Толькі адзін у пастарунку, а другі ва ўласным службовым кабінэце. Можна толькі спадзявацца, што з часам жыхары горада даведаюцца праўду, і ім пададуць дакуманты, якія пральюць сьвет на прычыны сьмерці былога першага сакратара гаркама КПБ.
Працягваецца сьледзтва ў справе самазабойства Эдуарда Швэдава, калісьці першага сакратара магілеўскага абкаму КПБ, апошнім часам намесьніка дырэктара ўправы акцыянэрнага банку "Пошук". Пракуратура па-ранейшаму прытрымліваецца асноўнае вэрсыі: банкір Эдуард Швэдаў пайшоў з жыцьця з-за страху быць прыцягнутым да адказнасьці за парушэньні пры выдачы крэдытаў. На карысьць гэтай вэрсыі прыводзіцца факт яго перамяшчэньня з пасады дырэктара на прыступку ніжэй. Пракурор вобласьці Анатоль Дудкін сьцьвярджае, што перад сьмерцю Эдуард Швэдаў напісаў яму ліст, у якім прызнаўся ў парушэньнях. Аднак, аніводзін прадстаўнік сродкаў масавае інфармацыі гэтага лісту ня бачыў. У той жа час у асяродку магілеўцаў зьявілася іншая вэрсыя на памінальным мітынгу казалі, што спадар Швэдаў быў жыцьцялюбным і энэргічным чалавекам, і ня мог проста так пайсьці з жыцьця. На мітынгу казалі, што ліст, які напісаў спадар Швэдаў, на самай справе быў накіраваны не пракурору, а дырэктару ўправы банку. Нібыта ў ім банкір заявіў, што ён анічога не парушаў, але ў зьвязку з тым, што пракуратура патрабуе ад яго прызнаньня, ён ня можа абразіць сваё імя й мусіць пакінуць гэты сьвет. Адзін з супрацоўнікаў банку, які пажадаў застацца невядомым, патэлефанаваў карэспандэнту беларускай рэдакцыі Радыё Свабода і падцьвердзіў гэтую вэрсыю. Маўляў, Эдуард Швэдаў застрэліўся, нявытрымаўшы бясконцых праверак. Дырэктар управы банку адмаўляецца камэнтаваць гэтую вэрсыю. Пакуль што журналісты ня бачылі ніводнага зь перадсьмяротных лістоў у падцьверджаньне той ці іншай вэрсыі, таму зараз складана меркаваць аб прычынах ягонай сьмерці. Аднак, як вядома, там, дзе няма поўнай інфармацыі, а сьледзтва вядзецца ва ўмовах сакрэтнасьці, працэсы абрастаюць чуткамі. Час ад часу жыхары горада задаюць сабе пытаньне: чаму ў першую чаргу шлях самазабойства выбіраюць жыцьцялюбныя людзі і параўноўваюць сьмерць Валерыя Ткачова й Эдуарда Швэдава. Абодва былі жыцьцялюбнымі людзьмі й буйнымі прадпрыймальнікамі, абодва ў свой час займалі добрыя мейсцы на савецка-партыйнай службовай лесьвіцы, абодва (па афіцыйнай вэрсыі) скончылі жыцьцё самагубствам. Толькі адзін у пастарунку, а другі ва ўласным службовым кабінэце. Можна толькі спадзявацца, што з часам жыхары горада даведаюцца праўду, і ім пададуць дакуманты, якія пральюць сьвет на прычыны сьмерці былога першага сакратара гаркама КПБ.
Самае папулярнае
1