"Бэнзынавы голад" стаў апошнімі тыднямі галоўнай тэмаю ў эканамічным жыцьці Беларусі. І вось днямі ўрад прызнаў сваё рашэньне па ліцэнзаваньню гандлю нафтапрадукатамі памылковым і адмяніў яго, каб уратаваць айчынных спажыўцоў ад "бэнзынавага голаду". Але амаль адначасова ўрад увёў ліцэнзаваньне паставак у Беларусь цукру. 28 ліпеня газэта "Советская Белоруссия" выступіла супраць празьмернага, на яе думку, увозу з замежных краінаў цукровае сыравіны. Імпарт гэтае прадукцыі, як вынікае з пазыцыі афіцыйнага выданьня, адмоўна ўплывае на разьвіцьцё айчыннае цукровае галіны. Няма сумневу, што менавіта такое разуменьне плюсоў і мінусаў у эканамічнай палітыцы папярэднічалі нядаўняму ўрадаваму рашэньню па ліцэнзаваньні паставак у Беларусь згаданага вышэй тавару. Яшчэ раней урад прыняў рашэньне аб ліцэнзаваньні побытавых паслугаў і адначасова агучыў пагрозу ў бок прадпрыемстваў і прыватных прадпрыймальнікаў, што невыкананьне гэтага рашэньня пацягне за сабою карныя меры а менавіта, з 1 жніўня ўсе прыбыткі непаслухмяных суб'ектаў гаспадараньня будуць спагнаныя ў бюджэт краіны. Шляхам ліцэнзаваньня беларускія ўлады гэтак жа настойліва апошнім часам ажыцьцяўляюць перадзел айчыннага рынку алькагольнае і тытунёвае прадукцыі. Такое ўмяшальніцтва дзяржавы ў эканамічныя працэсы выклікае неразуменьне незалежных айчынных спэцыялістаў. Гаворыць прадстаўнік Беларускага цэнтру канстытуцыйнага аналізу й параўнаўчых праўных дасьледваньняў Валеры Фадзееў: "На мой погляд, павінны ліцэнзавацца тыя віды дзейнасьці, якія аказваюць уплыў на экалёгію, на бясьпеку здароўя, мажліва на бясьпеку дзяржавы, але тое можна трактаваць вельмі шырока. Але глядзіце па маіх падліках, у нас ліцэнзуюцца блізу 100, а можа й больш, відаў дзейнасьці гэта першае. Другое у гэтыя акты кожны год уносіцца шмат зьменаў. Я палічыў за 97-ы год каля 30 зьменаў было ўнесена ў гэтыя акты. І, такім чынам, суб'екты гаспадараньня кожны раз мусяць вырашаць пытаньне з атрыманьнем гэтай ліцэнзыі. Ліцэнзыю выдаюць, таксама, некалькі дзесяткаў ворганаў, а калі, прыкладам, часткі выканкаму лічыць не за адзін ворган, гэтая лічба таксама падыходзіць недзе за 100 ворганаў. І ў кожнага свой парадак. Тут зноўку паўстаюць вельмі вялікія праблемы". Як зазначыў далей прадстаўнік Беларускага цэнтру канстытуцыйнага аналізу й параўнаўчых праўных дасьледваньняў Валеры Фадзееў, яго зьдзіўляе й працэдура скасаваньня ліцэнзыяў: "Хай ліцэнзыю выдае нейкі дзяржаўны ворган, а вось адбіраць яе трэба было б толькі цераз суд даводзьце, што парушаныя ўмовы ліцэнзыі..." Дарэчы, менавіта празьмернае імкненьне ўладаў да ліцэнзаваньня ў нацыянальнай эканоміцы перашкаджае Беларусі ва ўсталяваньні плённага супрацоўніцтва зь міжнароднымі фінансавымі арганізацыямі і замежнымі фірмамі. Багатая пяцігадовая практыка антылібэральных дзеяньняў каманды Лукашэнкі спрычынілася да таго, што іншаземныя крэдыторы ды інвэстары лічаць за лепшае на сёньняшні дзень абыйсьці бокам беларускі рынак.
"Бэнзынавы голад" стаў апошнімі тыднямі галоўнай тэмаю ў эканамічным жыцьці Беларусі. І вось днямі ўрад прызнаў сваё рашэньне па ліцэнзаваньню гандлю нафтапрадукатамі памылковым і адмяніў яго, каб уратаваць айчынных спажыўцоў ад "бэнзынавага голаду". Але амаль адначасова ўрад увёў ліцэнзаваньне паставак у Беларусь цукру. 28 ліпеня газэта "Советская Белоруссия" выступіла супраць празьмернага, на яе думку, увозу з замежных краінаў цукровае сыравіны. Імпарт гэтае прадукцыі, як вынікае з пазыцыі афіцыйнага выданьня, адмоўна ўплывае на разьвіцьцё айчыннае цукровае галіны. Няма сумневу, што менавіта такое разуменьне плюсоў і мінусаў у эканамічнай палітыцы папярэднічалі нядаўняму ўрадаваму рашэньню па ліцэнзаваньні паставак у Беларусь згаданага вышэй тавару. Яшчэ раней урад прыняў рашэньне аб ліцэнзаваньні побытавых паслугаў і адначасова агучыў пагрозу ў бок прадпрыемстваў і прыватных прадпрыймальнікаў, што невыкананьне гэтага рашэньня пацягне за сабою карныя меры а менавіта, з 1 жніўня ўсе прыбыткі непаслухмяных суб'ектаў гаспадараньня будуць спагнаныя ў бюджэт краіны. Шляхам ліцэнзаваньня беларускія ўлады гэтак жа настойліва апошнім часам ажыцьцяўляюць перадзел айчыннага рынку алькагольнае і тытунёвае прадукцыі. Такое ўмяшальніцтва дзяржавы ў эканамічныя працэсы выклікае неразуменьне незалежных айчынных спэцыялістаў. Гаворыць прадстаўнік Беларускага цэнтру канстытуцыйнага аналізу й параўнаўчых праўных дасьледваньняў Валеры Фадзееў: "На мой погляд, павінны ліцэнзавацца тыя віды дзейнасьці, якія аказваюць уплыў на экалёгію, на бясьпеку здароўя, мажліва на бясьпеку дзяржавы, але тое можна трактаваць вельмі шырока. Але глядзіце па маіх падліках, у нас ліцэнзуюцца блізу 100, а можа й больш, відаў дзейнасьці гэта першае. Другое у гэтыя акты кожны год уносіцца шмат зьменаў. Я палічыў за 97-ы год каля 30 зьменаў было ўнесена ў гэтыя акты. І, такім чынам, суб'екты гаспадараньня кожны раз мусяць вырашаць пытаньне з атрыманьнем гэтай ліцэнзыі. Ліцэнзыю выдаюць, таксама, некалькі дзесяткаў ворганаў, а калі, прыкладам, часткі выканкаму лічыць не за адзін ворган, гэтая лічба таксама падыходзіць недзе за 100 ворганаў. І ў кожнага свой парадак. Тут зноўку паўстаюць вельмі вялікія праблемы". Як зазначыў далей прадстаўнік Беларускага цэнтру канстытуцыйнага аналізу й параўнаўчых праўных дасьледваньняў Валеры Фадзееў, яго зьдзіўляе й працэдура скасаваньня ліцэнзыяў: "Хай ліцэнзыю выдае нейкі дзяржаўны ворган, а вось адбіраць яе трэба было б толькі цераз суд даводзьце, што парушаныя ўмовы ліцэнзыі..." Дарэчы, менавіта празьмернае імкненьне ўладаў да ліцэнзаваньня ў нацыянальнай эканоміцы перашкаджае Беларусі ва ўсталяваньні плённага супрацоўніцтва зь міжнароднымі фінансавымі арганізацыямі і замежнымі фірмамі. Багатая пяцігадовая практыка антылібэральных дзеяньняў каманды Лукашэнкі спрычынілася да таго, што іншаземныя крэдыторы ды інвэстары лічаць за лепшае на сёньняшні дзень абыйсьці бокам беларускі рынак.
Самае папулярнае
1