На гэтым тыдні беларусы ва ўсім сьвеце адзначалі 81-я ўгодкі Беларускай Народнай Рэспублікі. Кульмінацыяй сталася акцыя ў Менску. (Эфір 28 сакавіка). Каля 10 тысячаў — паводле арганізатараў — выйшла сёньня на акцыю апазыцыі, каб адзначыць 81-я ўгодкі БНР. «Няхай жыве Незалежная Беларусь!» — пад гэтым лёзунгам часоў БНР Беларускі Народны Фронт арганізаваў шэсьце ад пляцу Якуба Коласа да месца правядзеньня мітынгу — Опэрнага тэатру. Моладзь складае значную частку калёны, на чале якой — харугвы БНР. Кіраўнік спартовага аддзелу Маладога Фронту Сяржук Масковіч паведаміў нашаму радыё, што ўчора падчас футбольнага мачу Беларусь-Швэйцарыя было затрымана каля 20 чалавек, што трымалі бел-чырвона-белыя сьцягі. (Масковіч:) «Напрыканцы другога тайму гульні мы паднялі бел-чырвона-белыя сьцягі. Да нас кінуліся супрацоўнікі міліцыі, вайскоўцы. Зноў усчалася бойка. Лёталі ў паветры галаўныя ўборы міліцыянтаў. Людзей зноў выцягнулі, зноў моцна зьбілі». Падчас шэсьця моладзь несла жалезнага двухгаловага арла — уніз галовамі — які быў урачыста ўтоплены ў рацэ Сьвіслач. Хоць мітынг і быў прысьвечаны БНР, аднак выступоўцы ў большай ступені засяроджвалі ўвагу на прэзыдэнцкіх выбарах 16 траўня. Прэзыдэнт Рады БНР Івонка Сурвіла і старшыня БНФ Зянон Пазьняк даслалі свае віншаваньні з-за мяжы. Выканаўца абавязкаў старшыні БНФ Лявон Баршчэўскі паведаміў: (Баршчэўскі:) «Днямі закончыўся збор подпісаў за кандыдатаў у прэзыдэнты Рэспублікі Беларусь. Такіх подпісаў нашмат больш за 100 тысячаў. І гэта ва ўмовах запалохваньня, ва ўмовах арыштаў, ва ўмовах цкаваньня ў сродках масавай інфармацыі. Я думаю, што акцыя збору подпісаў паказала ў першую чаргу Маскве, што ў Беларусі многія сотні й тысячы людзей, якія ня згодныя, каб аддаць Бацькаўшчыну ў чужое ярмо». Намесьнік старшыні Аб'яднанай Грамадзянскай Партыі Анатоль Лябедзька заявіў, што 2 красавіка — на «дзень яднаньня Беларусі й Расеі» — пададзеная заяўка на антымілітарысцкую акцыю. (Лябедзька:) «У Беларусі ўзьнімаецца антыэўрапейская, антыамэрыканская істэрыя. Выкарыстоўваючы сытуацыю на Бальканах, Лукашэнка можа пайсьці на зьнішчэньне сувэрэнітэту і незалежнасьці. Мы павінны сказаць «Не» ядзерным авантурыстам, «Так» — бязьядзернай Беларусі...» Рэзалюцыя мітынгу, як паведаміў Вінцук Вячорка, даволі кароткая: (Вячорка:) «Мы гнеўна асуджаем спробы маскоўскіх імпэрыялістаў разьмясьціць ядзерную зброю на тэрыторыі Беларусі. Хай ведаюць крамлёўскія ястрабы і іхны менскі халуй, што шматпакутная беларуская зямля будзе гарэць у іх пад нагамі». Масавасьць сёньняшняй акцыі — найбуйнейшай за апошні час — дае ўяўленьне пра тое, якою будзе сёлетняя Беларуская Вясна.
На гэтым тыдні беларусы ва ўсім сьвеце адзначалі 81-я ўгодкі Беларускай Народнай Рэспублікі. Кульмінацыяй сталася акцыя ў Менску. (Эфір 28 сакавіка). Каля 10 тысячаў — паводле арганізатараў — выйшла сёньня на акцыю апазыцыі, каб адзначыць 81-я ўгодкі БНР. «Няхай жыве Незалежная Беларусь!» — пад гэтым лёзунгам часоў БНР Беларускі Народны Фронт арганізаваў шэсьце ад пляцу Якуба Коласа да месца правядзеньня мітынгу — Опэрнага тэатру. Моладзь складае значную частку калёны, на чале якой — харугвы БНР. Кіраўнік спартовага аддзелу Маладога Фронту Сяржук Масковіч паведаміў нашаму радыё, што ўчора падчас футбольнага мачу Беларусь-Швэйцарыя было затрымана каля 20 чалавек, што трымалі бел-чырвона-белыя сьцягі. (Масковіч:) «Напрыканцы другога тайму гульні мы паднялі бел-чырвона-белыя сьцягі. Да нас кінуліся супрацоўнікі міліцыі, вайскоўцы. Зноў усчалася бойка. Лёталі ў паветры галаўныя ўборы міліцыянтаў. Людзей зноў выцягнулі, зноў моцна зьбілі». Падчас шэсьця моладзь несла жалезнага двухгаловага арла — уніз галовамі — які быў урачыста ўтоплены ў рацэ Сьвіслач. Хоць мітынг і быў прысьвечаны БНР, аднак выступоўцы ў большай ступені засяроджвалі ўвагу на прэзыдэнцкіх выбарах 16 траўня. Прэзыдэнт Рады БНР Івонка Сурвіла і старшыня БНФ Зянон Пазьняк даслалі свае віншаваньні з-за мяжы. Выканаўца абавязкаў старшыні БНФ Лявон Баршчэўскі паведаміў: (Баршчэўскі:) «Днямі закончыўся збор подпісаў за кандыдатаў у прэзыдэнты Рэспублікі Беларусь. Такіх подпісаў нашмат больш за 100 тысячаў. І гэта ва ўмовах запалохваньня, ва ўмовах арыштаў, ва ўмовах цкаваньня ў сродках масавай інфармацыі. Я думаю, што акцыя збору подпісаў паказала ў першую чаргу Маскве, што ў Беларусі многія сотні й тысячы людзей, якія ня згодныя, каб аддаць Бацькаўшчыну ў чужое ярмо». Намесьнік старшыні Аб'яднанай Грамадзянскай Партыі Анатоль Лябедзька заявіў, што 2 красавіка — на «дзень яднаньня Беларусі й Расеі» — пададзеная заяўка на антымілітарысцкую акцыю. (Лябедзька:) «У Беларусі ўзьнімаецца антыэўрапейская, антыамэрыканская істэрыя. Выкарыстоўваючы сытуацыю на Бальканах, Лукашэнка можа пайсьці на зьнішчэньне сувэрэнітэту і незалежнасьці. Мы павінны сказаць «Не» ядзерным авантурыстам, «Так» — бязьядзернай Беларусі...» Рэзалюцыя мітынгу, як паведаміў Вінцук Вячорка, даволі кароткая: (Вячорка:) «Мы гнеўна асуджаем спробы маскоўскіх імпэрыялістаў разьмясьціць ядзерную зброю на тэрыторыі Беларусі. Хай ведаюць крамлёўскія ястрабы і іхны менскі халуй, што шматпакутная беларуская зямля будзе гарэць у іх пад нагамі». Масавасьць сёньняшняй акцыі — найбуйнейшай за апошні час — дае ўяўленьне пра тое, якою будзе сёлетняя Беларуская Вясна.
Самае папулярнае
1