Экс-прэм'ер Беларусі Міхаіл Чыгір назваў кампанію вяртаньня крэдытаў, абвешчаную прэзыдэнтам Лукашэнкам, вынікам суцяльнага правалу ў эканоміцы. На сёньняшняй прэсавай канфэрэнцыі Міхаіл Чыгір заявіў таксама, што пагрозы і рэпрэсіі ўладаў супраць актывістаў ягонага выбарчага штабу ня спыняць іхнай дзейнасьці. Міхаіл Чыгір пачаў сваю чарговую прэсавую канфэрэнцыю з таго, што нагадаў пра некаторыя лічбы, які сьведчаць пра крызыс у эканоміцы. Паводле ягоных словаў, у 1996 годзе валютныя рэзэрвы Нацыянальнага Банку Беларусі складалі каля 200 мільёнаў даляраў. Цяпер гэтых рэзэрваў няма. Акрамя таго Беларусь завінавацілася Літве й Расеі больш за 500 мільёнаў даляраў за энэрганосьбіты і электраэнэргію. З прычыны інфляцыі насельніцтва ў цэлым страціла ў заробку і пэнсіях таксама мільёны даляраў. Вось чаму, на думку Чыгіра, прэзыдэнт апошнімі днямі раскручвае кампанію, сэнс якой спроба атрымаць хоць нейкую валюту за кошт вяртаньня крэдытаў, выдадзеных яшчэ пры Кебічы. Пры гэтым фармуецца аблічча ворага з тых дзеячоў апазыцыі, якія раней займалі высокія пасады і мелі хоць бы ўяўнае дачыненьне да фінансава-крэдытнай дзейнасьці. Так, не пасьпеў яшчэ Міхаіл Чыгір на пачатку гэтага году паведаміць пра сваё рашэньне балятавацца на пасаду прэзыдэнта, як у Аграпрамбанку, які ён узначальваў у 1991-1994 гадох, пачалася праверка дзейнасьці менавіта за той пэрыяд. 1 сакавіка вынікі праверкі былі пададзеныя Глухоўскаму старшыні прэзыдэнцкай камісіі ў справе праверкі вяртаньня крэдытаў рознымі суб'ектамі гаспадараньня, а празь яго прэзыдэнту. Копію гэтага дакумэнту, дарэчы, дэманстраваў сёньня на прэсавай канфэрэнцыі Чыгір. Між іншым, гэта ўжо трэцяя гэткая праверка, скіраваная супраць Міхаіла Чыгіра. Упершыню вынікі праверкі фінансавай дзейнасьці Аграпрамбанку фігуравалі яшчэ ў славутым антыкарупцыйным дакладзе Лукашэнкі напярэдадні прэзыдэнцкіх выбараў. Потым дзейнасьць Аграпрамбанку правяралася пасьля адстаўкі Чыгіра з пасады прэм'ера. І вось цяпер зноў у сувязі з прэзыдэнцкімі выбарамі. Старшыня Аб'яднанай Грамадзянскай Партыі Станіслаў Багданкевіч, які таксама прымаў удзел у сёньняшняй прэсавай канфэрэнцыі, падкрэсьліў, што апошнія заявы ўладаў аб нібыта «незаконна атрыманых або нявернутых крэдытах» робяцца выключна з мэтай дыскрэдытацыі апазыцыі. Былы старшыня НацБанку нагадаў аб колішніх так званых «15-ці абвінавачаньнях прэзыдэнта» на ягоны адрас, якія разглядаліся пракуратурай, але ніколі не былі пацьверджаныя. У сувязі з гэтым Багданкевіч зноў паўтарыў: «Ніводзін з маіх сыноў ні малодшы, ні сярэдні, ні старэйшы ніводнага даляра і ніводнай капейкі крэдыту ў банках Беларусі не атрымваў». Што датычыць наагул праблемы крэдытаў, атрыманых кім бы там ні было ў сярэдзіне 90-х гадоў дык яны за гэты час, падкрэсьліў Багданкевіч, абясцэніліся мінімум у 35 разоў. Адказваючы на пытаньні аб дзейнасьці перадвыбарчага штабу Міхаіла Чыгіра, ён зазначыў, што кампанія ўладаў, скіраваная спачатку на замоўчваньне тэмы прэзыдэнцкіх выбараў, а потым на запалохваньне ды на непасрэдныя рэпрэсіі супраць Цэнтральнай Выбарчай Камісіі на чале з Ганчаром, дала некаторыя адмоўныя вынікі. У задачы групы падтрымкі кандыдатуры Чыгіра прыйшлося ўносіць пэўныя карэктывы. Паводле ягоных словаў, аднак, збор неабходных 50 альбо нават 100 тысячаў подпісаў не ўяўляе праблемы. А што да спосабаў ціску ўладаў на актывістаў групы падтрымкі і на яго асабіста, дык яны, сказаў Чыгір, носяць самы разнастайны характар. (Чыгір:) «Некаторыя нашыя актывісты атрымваюць павесткі ў пракуратуру, і ў пракуратуры іх папярэджваюць, што могуць быць распачатыя крымінальныя справы за спробу захопу ўлады недзе ў Бярозаўскім ці нейкім яшчэ раёне. Запрашаюць таксама ў міліцыю і выпісваюць папярэджаньні за несанкцыянаванае пашырэньне розных улётак. Я думаю, што сур'ёзных «наездаў» пакуль няма і людзі, якія атрымалі папярэджаньне, працягваюць сваю працу. Мяне папярэджваюць вельмі часта пра тое, што за мной прыедуць. Учора мне патэлефанавалі і сказалі: сёньня засядае Рада Бясьпекі і па табе будзе прынятае рашэньне. Я кажу, ну, як ужо няма ніякіх законаў, дык будзе прымаць рашэньне Рада Бясьпекі, і як няма пракуратуры, няма законаў, няма канстытуцыі ну дык хай прымае Рада Бясьпекі, паглядзім, чым гэта скончыцца». Гісторыя, на думку Міхаіла Чыгіра, усё расставіць па сваіх месцах, і тады ўсе ўбачаць, на якіх старонках гісторыі будзе, прыкладам, Віктар Ганчар, і на якіх тыя, хто яго «ламаў».
Экс-прэм'ер Беларусі Міхаіл Чыгір назваў кампанію вяртаньня крэдытаў, абвешчаную прэзыдэнтам Лукашэнкам, вынікам суцяльнага правалу ў эканоміцы. На сёньняшняй прэсавай канфэрэнцыі Міхаіл Чыгір заявіў таксама, што пагрозы і рэпрэсіі ўладаў супраць актывістаў ягонага выбарчага штабу ня спыняць іхнай дзейнасьці. Міхаіл Чыгір пачаў сваю чарговую прэсавую канфэрэнцыю з таго, што нагадаў пра некаторыя лічбы, які сьведчаць пра крызыс у эканоміцы. Паводле ягоных словаў, у 1996 годзе валютныя рэзэрвы Нацыянальнага Банку Беларусі складалі каля 200 мільёнаў даляраў. Цяпер гэтых рэзэрваў няма. Акрамя таго Беларусь завінавацілася Літве й Расеі больш за 500 мільёнаў даляраў за энэрганосьбіты і электраэнэргію. З прычыны інфляцыі насельніцтва ў цэлым страціла ў заробку і пэнсіях таксама мільёны даляраў. Вось чаму, на думку Чыгіра, прэзыдэнт апошнімі днямі раскручвае кампанію, сэнс якой спроба атрымаць хоць нейкую валюту за кошт вяртаньня крэдытаў, выдадзеных яшчэ пры Кебічы. Пры гэтым фармуецца аблічча ворага з тых дзеячоў апазыцыі, якія раней займалі высокія пасады і мелі хоць бы ўяўнае дачыненьне да фінансава-крэдытнай дзейнасьці. Так, не пасьпеў яшчэ Міхаіл Чыгір на пачатку гэтага году паведаміць пра сваё рашэньне балятавацца на пасаду прэзыдэнта, як у Аграпрамбанку, які ён узначальваў у 1991-1994 гадох, пачалася праверка дзейнасьці менавіта за той пэрыяд. 1 сакавіка вынікі праверкі былі пададзеныя Глухоўскаму старшыні прэзыдэнцкай камісіі ў справе праверкі вяртаньня крэдытаў рознымі суб'ектамі гаспадараньня, а празь яго прэзыдэнту. Копію гэтага дакумэнту, дарэчы, дэманстраваў сёньня на прэсавай канфэрэнцыі Чыгір. Між іншым, гэта ўжо трэцяя гэткая праверка, скіраваная супраць Міхаіла Чыгіра. Упершыню вынікі праверкі фінансавай дзейнасьці Аграпрамбанку фігуравалі яшчэ ў славутым антыкарупцыйным дакладзе Лукашэнкі напярэдадні прэзыдэнцкіх выбараў. Потым дзейнасьць Аграпрамбанку правяралася пасьля адстаўкі Чыгіра з пасады прэм'ера. І вось цяпер зноў у сувязі з прэзыдэнцкімі выбарамі. Старшыня Аб'яднанай Грамадзянскай Партыі Станіслаў Багданкевіч, які таксама прымаў удзел у сёньняшняй прэсавай канфэрэнцыі, падкрэсьліў, што апошнія заявы ўладаў аб нібыта «незаконна атрыманых або нявернутых крэдытах» робяцца выключна з мэтай дыскрэдытацыі апазыцыі. Былы старшыня НацБанку нагадаў аб колішніх так званых «15-ці абвінавачаньнях прэзыдэнта» на ягоны адрас, якія разглядаліся пракуратурай, але ніколі не былі пацьверджаныя. У сувязі з гэтым Багданкевіч зноў паўтарыў: «Ніводзін з маіх сыноў ні малодшы, ні сярэдні, ні старэйшы ніводнага даляра і ніводнай капейкі крэдыту ў банках Беларусі не атрымваў». Што датычыць наагул праблемы крэдытаў, атрыманых кім бы там ні было ў сярэдзіне 90-х гадоў дык яны за гэты час, падкрэсьліў Багданкевіч, абясцэніліся мінімум у 35 разоў. Адказваючы на пытаньні аб дзейнасьці перадвыбарчага штабу Міхаіла Чыгіра, ён зазначыў, што кампанія ўладаў, скіраваная спачатку на замоўчваньне тэмы прэзыдэнцкіх выбараў, а потым на запалохваньне ды на непасрэдныя рэпрэсіі супраць Цэнтральнай Выбарчай Камісіі на чале з Ганчаром, дала некаторыя адмоўныя вынікі. У задачы групы падтрымкі кандыдатуры Чыгіра прыйшлося ўносіць пэўныя карэктывы. Паводле ягоных словаў, аднак, збор неабходных 50 альбо нават 100 тысячаў подпісаў не ўяўляе праблемы. А што да спосабаў ціску ўладаў на актывістаў групы падтрымкі і на яго асабіста, дык яны, сказаў Чыгір, носяць самы разнастайны характар. (Чыгір:) «Некаторыя нашыя актывісты атрымваюць павесткі ў пракуратуру, і ў пракуратуры іх папярэджваюць, што могуць быць распачатыя крымінальныя справы за спробу захопу ўлады недзе ў Бярозаўскім ці нейкім яшчэ раёне. Запрашаюць таксама ў міліцыю і выпісваюць папярэджаньні за несанкцыянаванае пашырэньне розных улётак. Я думаю, што сур'ёзных «наездаў» пакуль няма і людзі, якія атрымалі папярэджаньне, працягваюць сваю працу. Мяне папярэджваюць вельмі часта пра тое, што за мной прыедуць. Учора мне патэлефанавалі і сказалі: сёньня засядае Рада Бясьпекі і па табе будзе прынятае рашэньне. Я кажу, ну, як ужо няма ніякіх законаў, дык будзе прымаць рашэньне Рада Бясьпекі, і як няма пракуратуры, няма законаў, няма канстытуцыі ну дык хай прымае Рада Бясьпекі, паглядзім, чым гэта скончыцца». Гісторыя, на думку Міхаіла Чыгіра, усё расставіць па сваіх месцах, і тады ўсе ўбачаць, на якіх старонках гісторыі будзе, прыкладам, Віктар Ганчар, і на якіх тыя, хто яго «ламаў».
Самае папулярнае
1