Гаўдэамус - сэрыя адукацыйных перадачаў беларускай рэдакцыі Радыё Свабода,
у якой мы расказваем галоўным чынам пра тое, як могуць маладыя беларусы
атрымаць адукацыю на Захадзе Эўропы, а таксама ў цэнтральна- і усходнеэўрапейскіх
посткамуністычных краінах. Сёньня ж я хацеў бы прысьвяціць перадачу,
не выходзячы за рамкі адукацыйнай тэмы, праблеме стварэньня новых сучасных
вышэйшых навучальных установаў, якія павінны служыць посткамуністычнаму
дэмакратычнаму грамадзтву ў варунках нараджэньня рынкавай гаспадаркі.
Ці ёсць магчымасць, каб і ў Беларусі на зьмену старым закасьцянелым
постсавецкім навучальным установам прыйшлі новыя сучасныя вышэйшыя школы,
якія адпавядаюць патрэбам XXI стагодзьдзя?
Адказу на гэтае ды іншыя пытаньні і будзе прысьвечаная нашая сёньняшняя
перадача сэрыі "Гаўдэамус".
.....................................
У якасьці прыкладу таго, як можна стварыць практычна на пустым месцы
і галоўным чынам уласнымі сіламі сучасную, аўтарытэтную навучальную ўстанову
я вырашыў абраць Прыватную Варшаўскую вышэйшую школу бізнэсу й адміністрацыі.
Гэта самая старая польская прыватная вышэйшая навучальная ўстанова, створаная
практычна адразу пасля ўпадку камунізму ў 1991 годзе.
Дзеля стварэньня гэтай школы адразу патрэбная была адна неабходная перадумова:
спрыяльнае стаўленьне ўладаў. І гэтая ўмова была ў Польшчы на пачатку
90-х гадоў у наяўнасьці. Вялікая дапамога прыйшла ў выглядзе перадачы
школе за сымбалічную суму комплексу будынкаў у раёне вуліцы Бабравецкай
у Варшаве. Будынкі гэтыя знаходзяцца ў ціхім месцы, каля парку.
Так што варункі для вучобы студэнты атрымалі выдатныя.
Дзеля таго каб стварыць вышэйшую школу, а пазьней яе зарэгістраваць,
неабходна згуртаваць вакол яе ідэі аўтарытэтныя навуковыя і выкладчыцкія
кадры. Міністэрства Адукацыі краіны толькі тады можа зарэгістраваць
новую ВНУ, калі там працуюць вядомыя навуковыя і выкладчыцкія аўтарытэты.
У выпадку Польшчы патрэбна 10 тытулярных прафэсараў і каб 40% выкладчыкаў
мела доктарскі тытул. Калі колькасьць тытулярных прафэсараў перавышае
40, вышэйшая школа атрымлівае аўтаномію ў сваёй дыдактычнай і навуковай
дзейнасьці.
Так што менавіта гэткія патрабаваньні і павінны былі выканаць тыя, хто закладаў школу ў 1991 годзе. ..................................... З артыкулу польскай газеты "Пшеглёнд тыгоднёвы", прысьвечанага Варшаўскай Прыватнай школе бізнэсу й адміністрацыі: «Ідэя элітарнасьці ад самага пачатку была закладзеная ў фундамэнт новай школы. Навучаньне студэнтаў тут - гэта працэс стварэньня новай польскагй сярэдняй клясы, якая мае амбіцыі, зьвязаныя з фармаваньнем моцнай польскай дзяржавы...»
Школа адразу зрабіла націск на падрыхтоўку уласных настаўніцкіх кадраў і актыўна залічае ў выкладчыкі найлепшых выхаванцаў школы. Школа сама фінансуе асьпірантуру найлепшых студэнтаў, дае найлепшым стыпэндыі для навучаньня за мяжой. Штогод у школе ствараюцца новыя ўнутраныя фонды, каб падтрымаць найлепшых студэнтаў, каб зрабіць зь іх найлепшых у Польшчы экспэртаў у галіне рынкавай гаспадаркі, права й адміністрацыі. ..................................... Як сьцьвярджае рэктар Прыватнай Варшаўскай школы бізнэсу й адміністрацыі, Тадэвуш Козьлюк, школа пачынае быць зацікаўленая ў лёсе сваіх будучых выпускнікоў у момант, калі яны яшчэ толькі зьяўляюцца абітурыентамі. Дзеля гэтага кіраўніцтва школы дэталёва вывучае патрэбы рынку працы, уважліва сочыць за сучаснымі грамадзка-эканамічнымі тэндэнцыямі ў сьвеце, вывучае апошнія дасягненьні навукі й тэхнікі. Таму ў школе практычна кожны год зьмяняецца сьпіс так званых неабавязковых дысцыплінаў, якія кожны студэнт можа абраць паводле свайго густу й патрэбаў. Сьпіс гэты распрацоўваецца на падставе апошніх тэндэнцыяў разьвіцьця сусветнай гаспадаркі. ..................................... Наша даведка: Ад самага пачатку свайго існаваньня Прыватная Варшаўская школа бізнэсу й адміністрацыі аддавала выразную перавагу глыбокаму навучаньню замежных моваў. Яна першая ў Польшчы, а магчыма і ва ўсёй посткамуністычнай Эўропе, увяла правіла вывучэньня студэнтамі трох замежных моваў. Звычайна гэта ангельская, французкая ці нямецкая і расейская. Але вывучаюць тут і іншыя мовы. Напрыклад, гішпанскую, партугальскую і інш. Але, зразумела, перавага аддаецца ангельскай мове. Падчас яе вывучэньня выкарыстоўваюцца самыя сучасныя дыдактычныя мэтады. Разлік ідзе на тое, каб пасля двух гадоў навукі на трэцім курсе студэнты маглі б слухаць лекцыі па-ангельску і самастойна працаваць з гэтай мовай. ..................................... Прыватная Варшаўская школа бізнэсу й адміністрацыі - адна з самых сучасных, а сёньня ўжо й самых шанаваных навучальных установаў ня толькі Польшчы, але і ўсёй посткамуністычнай Эўропы. Вось чаму сярод яе студэнтаў ня толькі палякі, але й прадстаўнікі іншых народаў Эўропы. Трапіць сюды вучыцца ня проста. У школе існуе даволі строгі адбор патэнцыяльных кандыдатаў у студэнты. І гэта невыпадкова. Школа гэтая - піянэр выкарыстаньня самага сучаснага тэхнічнага абсталяваньня ў навучальным працэсе. На працягу трох гадоў чалавецтва павінна сустрэцца з новай зьяваю - паўсюдным і глябальным увядзеньнем сусьветных сыстэмаў аптычнай сувязі, якая будзе сымбалізаваць сабой перадачу інфармацыі на адлегласьць у рэальным часе. Гэта будзе рэвалюцыя, вынікі якой сёньня нават цяжка ўявіць. Дык вось Варшаўская школа бізнэсу й адміністрацыі ідзе наперадзе ў польскай навуцы ў галіне падрыхтоўкі да гэткай глыбокай трансфармацыі ўсёй сістэмы інфарматыкі. ..................................... Падаем адрас і іншыя каардынаты Прыватнай варшаўскай школы бізнэсу й адміністрацыі: вул. Бобровецка 9
00-728 Варшава, Польшча тэлефоны для даведак і інфармаваньня -
8-10-48-22-414051, альбо 414052 старонку ў інтэрнэце вы можаце знайсьці пад адрасам: http://www.pwsbia.edu.pl ..................................... Прыватная Варшаўская школа бізнэсу й адміністрацыі - унікальны інстытут. Яго стварэньне і амаль васьмігадовая дзейнасьць - знак часу. Толькі менавіта такія ВНУ здольныя дапамагчы ў грунтоўнай мадэрнізацыі польскага грамадзтва. І гэта добра разумеюць сёньняшнія кіраўнікі Польшчы. Таму і мае гэтая навучальныя установа надзвычай спрыяльныя варункі для сваёй дзейнасьці. А якія ж праграмы навучаньня існуюць у Варшаўскай прыватнай школе бізнэсу? Колькі каштуе тут навучаньне? Які кантынгент студэнтаў туды трапляе? На гэтыя ды іншыя пытаньні вы атрымаеце адказ у наступнай перадачы сэрыі "Гаўдэамус". Мікола Іваноў
Так што менавіта гэткія патрабаваньні і павінны былі выканаць тыя, хто закладаў школу ў 1991 годзе. ..................................... З артыкулу польскай газеты "Пшеглёнд тыгоднёвы", прысьвечанага Варшаўскай Прыватнай школе бізнэсу й адміністрацыі: «Ідэя элітарнасьці ад самага пачатку была закладзеная ў фундамэнт новай школы. Навучаньне студэнтаў тут - гэта працэс стварэньня новай польскагй сярэдняй клясы, якая мае амбіцыі, зьвязаныя з фармаваньнем моцнай польскай дзяржавы...»
Школа адразу зрабіла націск на падрыхтоўку уласных настаўніцкіх кадраў і актыўна залічае ў выкладчыкі найлепшых выхаванцаў школы. Школа сама фінансуе асьпірантуру найлепшых студэнтаў, дае найлепшым стыпэндыі для навучаньня за мяжой. Штогод у школе ствараюцца новыя ўнутраныя фонды, каб падтрымаць найлепшых студэнтаў, каб зрабіць зь іх найлепшых у Польшчы экспэртаў у галіне рынкавай гаспадаркі, права й адміністрацыі. ..................................... Як сьцьвярджае рэктар Прыватнай Варшаўскай школы бізнэсу й адміністрацыі, Тадэвуш Козьлюк, школа пачынае быць зацікаўленая ў лёсе сваіх будучых выпускнікоў у момант, калі яны яшчэ толькі зьяўляюцца абітурыентамі. Дзеля гэтага кіраўніцтва школы дэталёва вывучае патрэбы рынку працы, уважліва сочыць за сучаснымі грамадзка-эканамічнымі тэндэнцыямі ў сьвеце, вывучае апошнія дасягненьні навукі й тэхнікі. Таму ў школе практычна кожны год зьмяняецца сьпіс так званых неабавязковых дысцыплінаў, якія кожны студэнт можа абраць паводле свайго густу й патрэбаў. Сьпіс гэты распрацоўваецца на падставе апошніх тэндэнцыяў разьвіцьця сусветнай гаспадаркі. ..................................... Наша даведка: Ад самага пачатку свайго існаваньня Прыватная Варшаўская школа бізнэсу й адміністрацыі аддавала выразную перавагу глыбокаму навучаньню замежных моваў. Яна першая ў Польшчы, а магчыма і ва ўсёй посткамуністычнай Эўропе, увяла правіла вывучэньня студэнтамі трох замежных моваў. Звычайна гэта ангельская, французкая ці нямецкая і расейская. Але вывучаюць тут і іншыя мовы. Напрыклад, гішпанскую, партугальскую і інш. Але, зразумела, перавага аддаецца ангельскай мове. Падчас яе вывучэньня выкарыстоўваюцца самыя сучасныя дыдактычныя мэтады. Разлік ідзе на тое, каб пасля двух гадоў навукі на трэцім курсе студэнты маглі б слухаць лекцыі па-ангельску і самастойна працаваць з гэтай мовай. ..................................... Прыватная Варшаўская школа бізнэсу й адміністрацыі - адна з самых сучасных, а сёньня ўжо й самых шанаваных навучальных установаў ня толькі Польшчы, але і ўсёй посткамуністычнай Эўропы. Вось чаму сярод яе студэнтаў ня толькі палякі, але й прадстаўнікі іншых народаў Эўропы. Трапіць сюды вучыцца ня проста. У школе існуе даволі строгі адбор патэнцыяльных кандыдатаў у студэнты. І гэта невыпадкова. Школа гэтая - піянэр выкарыстаньня самага сучаснага тэхнічнага абсталяваньня ў навучальным працэсе. На працягу трох гадоў чалавецтва павінна сустрэцца з новай зьяваю - паўсюдным і глябальным увядзеньнем сусьветных сыстэмаў аптычнай сувязі, якая будзе сымбалізаваць сабой перадачу інфармацыі на адлегласьць у рэальным часе. Гэта будзе рэвалюцыя, вынікі якой сёньня нават цяжка ўявіць. Дык вось Варшаўская школа бізнэсу й адміністрацыі ідзе наперадзе ў польскай навуцы ў галіне падрыхтоўкі да гэткай глыбокай трансфармацыі ўсёй сістэмы інфарматыкі. ..................................... Падаем адрас і іншыя каардынаты Прыватнай варшаўскай школы бізнэсу й адміністрацыі: вул. Бобровецка 9
00-728 Варшава, Польшча тэлефоны для даведак і інфармаваньня -
8-10-48-22-414051, альбо 414052 старонку ў інтэрнэце вы можаце знайсьці пад адрасам: http://www.pwsbia.edu.pl ..................................... Прыватная Варшаўская школа бізнэсу й адміністрацыі - унікальны інстытут. Яго стварэньне і амаль васьмігадовая дзейнасьць - знак часу. Толькі менавіта такія ВНУ здольныя дапамагчы ў грунтоўнай мадэрнізацыі польскага грамадзтва. І гэта добра разумеюць сёньняшнія кіраўнікі Польшчы. Таму і мае гэтая навучальныя установа надзвычай спрыяльныя варункі для сваёй дзейнасьці. А якія ж праграмы навучаньня існуюць у Варшаўскай прыватнай школе бізнэсу? Колькі каштуе тут навучаньне? Які кантынгент студэнтаў туды трапляе? На гэтыя ды іншыя пытаньні вы атрымаеце адказ у наступнай перадачы сэрыі "Гаўдэамус". Мікола Іваноў