Лінкі ўнівэрсальнага доступу

Сёньня


У Горадні вэртыкаль арганізавала выбары належным чынам. На 12 гадзінаў прагаласавала 34,6 адсоткі выбаршчыкаў. На некаторых участках выбары адбыліся датэрмінова.

На адным з такіх участкаў я пабываў з прадстаўнікамі Гэльсынскага камітэту Аляксандрам Антанюком і Алегам Сідзігаевым. Участак №29 Цэнтральнай выбарчай акругі №52. Тут знаходзяцца рабочыя інтэрнаты, вайсковая частка, інтэрнат, дзе жыввуць засуджаныя да працы на будоўлях народнай гаспадаркі. Датэрмінова 53 адсоткі выбаршчыкаў прагаласавалі. Сёньня на 11:30 – усе 64 адсоткі. Жыхароў інтэрнатаў прымушалі ісьці галасаваць, салдат прыводзілі цэлымі ўзводамі.

Назіральнікамі БГК толькі пад час датэрміновага галасваньня было складзена 50 пратаколаў аб парушэньнях працэдуры выбараў. Ёсьць факты, калі з прадпрыемстваў вазілі рабочых на ўчасткі аўтобусамі альбо адпускалі раней з працы, каб яны ішлі галасаваць. У горадзе былі масава парушаныя правілы перадвыбарчай агітацыі – улёткі расклееныя ў грамадзкім транспарце і на шыбах прадуктовых крамаў, што забаронена. Але ніхто іх не зрываў. Зрываліся толькі ўлёткі з заклікам байкатаваць выбары.

Адзін старшыня сельсавету з Гарадзенскага раёну прызнаўся, што ў ягоным жыцьці гэта ўжо 20-я выбары, калі лічыць з паўторнымі, але гэткага татальнага кантролю з боку ўладаў і змушэньня галасаваць ніколі дагэтуль не было.

Паводле словаў старшыні гарадзенскай філіі БГК Антанюка, мы зьяўляемся сьведкамі таго, як камандна-адміністрацыйная сыстэма была пасьпяхова ўвасобленая ў выбарчы працэс. Пра што можна гаварыць, калі старшыня гарвыканкаму Пашкевіч, прагаласаваўшы датэрмінова, заклікаў усіх гараджанаў пайсьці за ягоным прыкладам?

Сяргей Астраўцоў, Горадня

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG