Прэзыдэнт Чэшскай Рэспублікі Вацлаў Гавал узнагародзіў мэдалём “За заслугі
перад Айчынай” Пэтру Прахаскаву і Яраміра Шчэціну – аўтараў дакумэнтальнай
кінастужкі “Ніхто не павінен нічога чуць”, прысьвечанай сёньняшняй сытуацыі
ў Беларусі.
Пэтра Прахаскава і Ярамір Шчэціна вядомыя шэрагам кінематаграфічных
і публіцыстычных твораў, прысьвечаных тэме палітычных канфліктаў і парушэньняў
правоў чалавека.
У адным з грамадзкіх цэнтраў Прагі адбылося ўшанаваньне ўзнагароджаных.
Ад імя беларускай дыяспары ў Чэхіі іх прывітаў сябра Рады БНР Уладзіслаў
Яндзюк.
Як паведаміў карэспандэнту “Свабоды” прэзыдэнт чэскага фонду “Чалавек
у бядзе” Томаш Пояр, у бліжэйшы час будуць актывізаваныя кантакты паміж
беларускімі апазыцыйнымі і чэскімі палітыкамі. У лістападзе Прагу наведаюць
групы журналістаў, эканамістаў і юрыстаў, а ў сьнежні – кіраўнікі апазыцыйных
дэмакратычных партыяў Беларусі.
Сяргей Навумчык, Прага
Самае папулярнае
1