35 тарфяных пажараў зарэгістравана на тэрыторыі Гомельскай вобласьці.
У тушэньні іх бяруць ўдзел амаль 100 адзінак спэцыяльнай і прыстасаванай
тэхнікі і звыш за 300 чалавек – пажарных, рабочых прадпрыемстваў, вяскоўцаў.
Найбольшая колькасьць ачаговых пажараў назіраецца зараз у Жыткавіцкім раёне.
Самы буйны зь іх – на палях здабычы сыравіны торфабрыкетнага заводу
“Жыткавіцкі”. Агнём і дымам тут ахоплена 130 гектараў тарфянікаў і 23 штабелёў
нарыхтаванай сыравіны, ў якіх знаходзіцца прыкладна 35 тысяч тон торфу,
прызначанага для выпуску брыкету. Дырэктар заводу Міхаіл Малочка распавядае:
(Малочка: ) “Згарэла тое, што мы здабылі ў гэтым годзе да 11 травеня,
усё згарэла і згарэла таксама частка здабытага торфу ў леташнім сезоне”.
Страты падлічыць пакуль цяжка – агонь яшчэ не пераможаны. На шчасьце,
чалавечых ахвяраў няма, але многія рабочыя прадпрыемства і самі кіраўнікі
перажываюць цяжкі эмацыйны стрэс – яны не змаглі абараніць сваю сыравінную
зону ад пажару. Палаючы торф перакінуты быў сюды шквальным ветрам з суседняга
Салігорскага раёну. Малюнак жахлівы – чорны тарфяны пыл успыхваў нават
у паветры, ад вагню не ўдалося ўратаваць пажарную машыну, экскаватар і
два краны.
Ачаговыя пажары на тарфяніках дымяць таксама ў калгасах “Кастрычнік”,
“3-ці Інтарнацыянал”, саўгасах “Жыткавіцкі” і “Ленінскі”. У апошняй гаспадарцы
згарэла нават каля паўгектара бульбы, пасаджанай на тарфяніку паблізу вёскі
Грычынавічы асабіста дырэктаркай саўгасу Верай Раеўскай. Дасьведчаныя людзі
не выключаюць і наўмыснага падпалу, бо шмат у каго з шараговых вяскоўцаў
участкі пад прыватныя соткі не былі адмераныя своеасова.
Казімір Яноўскі, Гомельская вобласьць
Самае папулярнае
1