Лінкі ўнівэрсальнага доступу

Сёньня


На Гарадзеншчыне да апошніх дзён працягваецца перасейваньне зьнішчаных замаразкамі палеткаў. На сёньняшні дзень перасеена 54.000 гектараў, зьнішчана было на 20.000 болей. У шасьці раёнах загінула да паловы ўсіх азімых…

Агулам зьнішчаных і пашкоджаных палеткаў 154.000 гектараў, гэта больш за чвэрць ад ўсяе яе плошчы. Ніхто ня можа дакладна сказаць, колькі каштавала паўторнае перасяваньне. Становішча ў сельскай гаспадарцы ў вобласьці ўвогуле вельмі напружанае.

Ад пачатку месяца ад кожнай каровы атрымана на кіляграм малака меней, чым ўлетась, а з кармамі па ранейшаму цяжка. Зь першага укосу атрымалі толькі 14% ад гадавой патрэбы. Паводле сьведчаньня спэцыялістаў, азімыя сасьпеюць на месяц раней, увогуле жніво распачнецца як мінімум на два тыдні раней ад звычайнага, а камбайнаў адрамантавана толькі 23, хаця рамантуюць іх з восені.

У некаторых раёнах улады абвяшчаюць ледзьве не надзвычайнае становішча. Ў Іўеўскім афіцыйны працоўны дзень ў калгасах зацьверджаны ад 6 раніцы да 22 вечара. Ва ўсіх прадпрыемствах, ва ўстановах і арганізацыях Іўя атрымана распараджэньне райвыканкаму: кожны працаўнік павінен нарыхтаваць па 500 кіляграмаў кармоў для калгаснай жывёлы, ў калгасах норма на чалавека падвоеная - па тоне кармоў.

Нормы гэтыя павінны быць выкананыя да першага ліпеня, улады далі каманду закупіць для раёна ўтрохдзённы тэрмін 500 кос і столькі ж мянташак, і яшчэ 200 грабляў, пры гэтым усе кіраўнікі асабіста папярэджаны, што на пэрыяд нарыхтоўкі кармоў ім забаронена пакідаць тэрыторыю раёну без дазволу старшыні райвыканкаму Дуніча.

І людзі мусяць працаваць, ёсьць факты, калі на камбайны сядалі пэнсыянэры, між іншым ў трыццатай часцы калгасаў своечасова не выплочваюцца заробкі, людзі жывуць бедна. На Чэрвеньскай сэсіі Ваўкавыскага раённага савету дэпутатаў былі названыя наступныя факты: ў вёсцы Цярэшкі гэтага раёну за цэлы месяц красавік было куплена ў краме па тры буханы хлеба на жыхара і ўсяго адзін кіляграм масла, таксама адзін кіляграм каўбасы на ўсіх, а ў вёсцы 81 жыхар. На дзень атрымліваецца па 100 грамаў на чалавека. Праўда ў дзьвух іншых вёсках жыхарам дазваляецца па чатыры буханы – на адзін больш.

Сяргей Астраўцоў, Горадня

XS
SM
MD
LG