Ільля Багданаў апавёў, што допыт у віцебскай абласной управе КДБ доўжыўся з 10 да 13 гадзінаў. Падрабязнасьцяў ён расказваць ня можа, бо даў падпіску аб неразгалошваньні.
Актывіст паведаміў толькі тое, што хадзіў са сваім адвакатам на размову са сьледчым Алегам Барысевічам, які вядзе справу Андрэя Гайдукова, і што гэтаксама з адвакатам прыйдзе і на вочную стаўку з Гайдуковым, якую заплянавалі праз некалькі дзён, прыблізна 15 студзеня.
Спадар Багданаў па-ранейшаму застаецца другім падазраваным у «шпіёнскай» справе. Але ў дачыненьні да яго не прымяняліся ніякія меры стрыманьня, кшталту арышту. Між тым як Андрэй Гайдукоў, якога вінавацяць у «здрадзе дзяржаве» праз агентурную дзейнасьць, знаходзіцца пад вартай ужо 2 месяцы.
Яго затрымалі 8 лістапада ў Віцебску нібыта падчас «закладкі тайніка са зьвесткамі, якія могуць цікавіць замежныя спэцслужбы». Спачатку Гайдукова адвезьлі ў менскі СІЗА КДБ, потым праз месяц перавялі ў віцебскі СІЗА, а напрыканцы мінулага году зноў перавезьлі ў Менск. Мяркуецца, што там, дзе яго трымаюць — у менскім СІЗА КДБ — і пройдзе вочная стаўка з Ільлём Багданавым.
Афіцыйных зьвестак пра «шпіёнскую справу», апрача паведамленьня пра затрыманьне Андрэя Гайдукова, амаль няма. Сваякі і знаёмыя Гайдукова лічаць абвінавачаньне хлопца ў шпіянажы абсурдным і расцэньваюць яго затрыманьне і арышт як помсту за грамадзкую дзейнасьць. Непасрэдна перад арыштам хлопец рыхтаваў дакумэнты на рэгістрацыю суполкі «Саюз маладых інтэлектуалаў».
Актывіст паведаміў толькі тое, што хадзіў са сваім адвакатам на размову са сьледчым Алегам Барысевічам, які вядзе справу Андрэя Гайдукова, і што гэтаксама з адвакатам прыйдзе і на вочную стаўку з Гайдуковым, якую заплянавалі праз некалькі дзён, прыблізна 15 студзеня.
Спадар Багданаў па-ранейшаму застаецца другім падазраваным у «шпіёнскай» справе. Але ў дачыненьні да яго не прымяняліся ніякія меры стрыманьня, кшталту арышту. Між тым як Андрэй Гайдукоў, якога вінавацяць у «здрадзе дзяржаве» праз агентурную дзейнасьць, знаходзіцца пад вартай ужо 2 месяцы.
Яго затрымалі 8 лістапада ў Віцебску нібыта падчас «закладкі тайніка са зьвесткамі, якія могуць цікавіць замежныя спэцслужбы». Спачатку Гайдукова адвезьлі ў менскі СІЗА КДБ, потым праз месяц перавялі ў віцебскі СІЗА, а напрыканцы мінулага году зноў перавезьлі ў Менск. Мяркуецца, што там, дзе яго трымаюць — у менскім СІЗА КДБ — і пройдзе вочная стаўка з Ільлём Багданавым.
Афіцыйных зьвестак пра «шпіёнскую справу», апрача паведамленьня пра затрыманьне Андрэя Гайдукова, амаль няма. Сваякі і знаёмыя Гайдукова лічаць абвінавачаньне хлопца ў шпіянажы абсурдным і расцэньваюць яго затрыманьне і арышт як помсту за грамадзкую дзейнасьць. Непасрэдна перад арыштам хлопец рыхтаваў дакумэнты на рэгістрацыю суполкі «Саюз маладых інтэлектуалаў».
