Лінкі ўнівэрсальнага доступу

logo-print

Фізычныя практыкаваньні станоўча ўплываюць на разумовыя здольнасьці.

Чалавек зрабіўся такім, якім ён ёсьць, таму, што мільёны гадоў назад перасоўваўся на вялікія адлегласьці. New York Times нагадвае, што ў 2004 годзе біёлягі-эвалюцыяністы Даніэль Лібэрман з Гарварду і Дэніс Брамбл з унівэрсытэту штату Юта (ЗША) апублікавалі вынікі дасьледаваньня, зь якіх вынікае, што нашыя продкі выжывалі, у немалой ступені, дзякуючы здольнасьці хутка бегаць, каб здабываць харчаваньне. Пра гэта паведамляе New York Times.

У выніку натуральнага адбору выжывалі больш спартовыя – і паступова ногі рабіліся даўжэйшымі, пальцы – карацейшымі, удасканальваўся вэстыбулярны апарат – дзеля падтрыманьня цела ў вэртыкальным стане.

Так, рух у немалой ступені фармаваў форму чалавечага цела – але ён уплываў і на мозг. Мозг рос у памерах, і сёньня, як лічаць антраполягі, ён прыблізна ў тры разы большы, чым можна было б чакаць, з улікам памеру нашага цела.

Сёньня навукоўцы знаходзяць усё больш доказаў таго, што фізычная актыўнасьць ўплывае на мозг чалавека і на тое, што прынята лічыць разумовымі здольнасьцямі.

Антраполяг з арызонскага ўнівэрсытэту Дэвід Райхлен, які дасьледуе эвалюцыю чалавечага мозгу, лічыць, што фізычная актыўнасьць нашых продкаў стымулявала павелічэньне тканіны мозгу – у выніку, здольнасьць разважаць рабіла больш пасьпяховай адсочваньне здабычы, а значыць і стварала лепшыя ўмовы для выжываньня нашчадкаў. Паступова гэта трансфармавалася ў здольнасьць апэраваць катэгорыямі вышэйшай матэматыкі і вынайсьці iPad – праўда, некалькі пазьней.

Але і сёньня, лічаць навукоўцы, фізычная актыўнасьць уплывае на фармаваньне структураў нашага мозгу і дапамагае удасканаліць разумовыя здольнасьці. Рэгулярныя фізычныя практыкаваньні (у тым ліку і такія простыя, як хада ці бег), станоўча ўплываюць на розум.

Так што – будзьце актыўнымі. Стывам Джобсам вы, магчыма, ня станеце, але разумнейшым – будзеце!

Паказаць камэнтары

XS
SM
MD
LG