Лінкі ўнівэрсальнага доступу

Ужо выходныя, 22-23 сьнежня: 90-годзьдзе Алены Васілевіч, канфэрэнцыя аб Вінцэнту Гадлеўскім


На вуліцах Бухарэсту, 1989 год

На вуліцах Бухарэсту, 1989 год

Бліц-агляд падзеяў і тэмаў у Беларусі, сьвеце, гісторыі.


Надвор’е

У суботу слабая мяцеліца. Тэмпэратура паветра ўдзень −8..-15°С, уначы −16..-20°С.У нядзелю кароткачасовы сьнег. Халодна. Удзень −10..-17°С, уначы −18..-22°С.

У гэтыя дні ў Беларусі і ў сьвеце

22 сьнежня

Менск. У офісе Партыі БНФ канфэрэнцыя «Айцец Вінцэнт Гадлеўскі і лідэры беларускага хрысьціянскага адраджэньня першай паловы XX стагодзьдзя.

Менск. У клюбе «Графіці» сярэднявечная дыскатэка з гуртом PAWA.

Заслаўе. У музэі-запаведніку «Заслаўе» канцэрт гурту Re1ikt.

23 сьнежня

Менск. У вялікай залі Белдзяржфілярмоніі Калядны канцэрт арганнай музыкі.

Менск. У канцэртнай залі «Менск» сольны канцэрт «Юр’я» з праграмай «Таўкачыкі на Каляды».

Менск. У Loft-кафэ музычна-вандроўны аркестрык «VuRAJ» з праграмай «Песьні, казачкі ды танцы».

Эгіпет. Рэфэрэндум па праекце Канстытуцыі. Другая частка.

Ёсьць нагода

22 сьнежня

Сьвята прарока Заратустры.

23 сьнежня

Сьвята Блукаса ў Літве.

Таксама ў гэты дзень:

22 сьнежня

1917 — У Менску быў створаны Выканаўчы камітэт 1-га Ўсебеларускага зьезду.

1932 — афіцыйна зарэгістравана Таварыства беларускай асьветы, створанае ў Вільні.

1937 — у вязьніцы НКВД (Алма-Ата) бальшавікі расстралялі беларускага рымска-каталіцкага сьвятара і грамадзкага дзеяча Янку Вярсоцкага.

1945 — у Менску адкрыўся Беларускі тэатральны інстытут (з 1993 году — Беларуская акадэмія мастацтваў).

1989 — у Румыніі перамагла народная рэвалюцыя, скіраваная супраць рэжыму Нікалаэ Чаўшэску.

1990 — Лех Валэнса заступіў на пасаду прэзыдэнта Польшчы.

23 сьнежня

1595 — складаньне Берасьцейскай уніі.

1791 — расейская імпэратрыца Кацярына II усталявала на новадалучаных тэрыторыях Рэчы Паспалітай «мяжу габрэйскай аселасьці».

1884 — у варшаўскім выданьні «Słowo» зьявіўся першы ўрывак з аповесьці Генрыка Сянкевіча «Патоп».

1947 — першая дэманстрацыя транзыстара на Bell Labs.

1954 — Джозэф Мюрэй правёў першую ўдалую трансплянтацыю ныркі.

1963 — Папа рымскі Павал VI падвысіў статус Украінскай грэка-каталіцкай царквы з узроўню мітраполіі да вярхоўнага арцыбіскупства.

1990 — 88,5% удзельнікаў рэфэрэндуму выказаліся за незалежнасьць Славеніі ад Югаславіі.

У гэты дзень нарадзіліся:

22 сьнежня

1639 — Жан Расін, францускі драматург.

1858 — Джакома Пучыні, італьянскі кампазытар.

1922 — Алена Васілевіч, беларуская пісьменьніца, ляўрэатка Дзяржаўнай прэміі Беларусі.

23 сьнежня

1858 — Уладзімер Неміровіч-Данчанка, рэжысэр, адзін з заснавальнікаў МХАТу.

1918 — Гельмут Шміт, нямецкі палітык.

1919 — Эрык дэ Савентхэм, нямецкі каталіцкі дзеяч.

1933 — Акіхіта, японскі імпэратар.

У гэты дзень памерлі:

22 сьнежня

1995 — Мікола Шчорс, беларускі палітычны дзеяч.

2001 — Уладзіслаў Чарняўскі, беларускі ксёндз.

23 сьнежня

1831 — Эмілія Плятэр, фальклярыстка, удзельніца паўстаньня 1830-1831 гадоў.

1979 — Пэгі Гугэнхайм, амэрыканскі галярыст і мэцэнат

Цытата на памяць

Кожны народ павінен маліцца ў сваёй мове.

Уладзіслаў Чарняўскі.

365 дзён таму на сайце "Свабоды": дзень у загалоўках

22 сьнежня

«Чым менш у жанчыны свабоды, тым больш на ёй адзеньня»

У Менску адбылася вечарына памяці Тацяны Сапач

Сэнатар Дурбін супраць Лукашэнкі

23 сьнежня

Ня бойся прасіць

Лукашэнка: Дыктатура — толькі ў руках прэзыдэнта

Лукашэнка адказвае на пытаньне «Радыё Свабода»

Паказаць камэнтары

XS
SM
MD
LG