Чаму Аляксандар Лукашэнка пачаў гэтак часта наведваць розныя прадпрыемствы, наладжваючы разносы іхнім кіраўнікам? Ці можна сказаць, што ўраду Міхаіла Мясьніковіча рэальна пагражае адстаўка ці гэта толькі пераключэньне ўвагі з боку кіраўніка дзяржавы? На гэтыя пытаньні адказвае палітоляг, рэдактар часопіса «Палітычная сфэра» Андрэй Казакевіч.
Цыганкоў: Аляксандр Лукашэнка зноў наведаў чарговае прадпрыемства, што на гэты раз скончылася звальненьнем кіраўнікоў прадпрыемства і пагрозамі на адрас ураду. Чым можна патлумачыць такую актыўнасьць прэзыдэнта, ці мае яна палітычныя альбо эканамічныя прычыны? Якія электаральныя мэты спрабуе дасягнуць Лукашэнка такімі паездкамі?
Казакевіч: Я б хутчэй разглядаў такія захады Лукашэнкі як прафіляктычныя. Нельга сказаць, што штосьці падобнае не рабілася раней. Гэта дастаткова звыклы ход – прыехаць на завод, наладзіць там разнос… Эканамічная сытуацыя ня вельмі добрая, напружанасьць у грамадзтве расьце. Таму трэба гэтую напружанасьць здымаць такімі акцыямі.
Думаю, Лукашэнка інстынктыўна адчувае, што трэба нешта такое рабіць, каб пераключыць увагу зь яго на ўрад, з ураду на дырэктараў.
Цыганкоў: Наколькі рэалістычная на сёньня адстаўка ўраду Міхаіла Мясьніковіча? Ён вытрымаў і валютны крызіс, і дэвальвацыю. Ваш прагноз, колькі ён яшчэ пратрымаецца?
Казакевіч: Я б не хацеў даваць прагнозы, бо гэта залежыць не ад нейкіх парамэтраў, паказчыкаў працы ўраду, якія можна дакладна вымераць, а хутчэй ад раскладаў унутры кіраўніцтва. Адстаўка ўраду магчымая ў любы момант.
У мяне такое адчуваньне, што ніхто там вельмі моцна за сваю пасаду не трымаецца. Бо ў такой складанай эканамічнай сытуацыі здабыць нейкія палітычныя дывідэнды на гэтай пасадзе не атрымаецца, хутчэй наадварот.
Гэта і ёсьць гарантыя пэўнай устойлівасьці цяперашняга ўраду, бо брацца за такую задачу ня так і шмат ахвотных. Натуральна, сярод тых, хто можа гэтым урадам кіраваць, бо гэта вельмі няпростая задача.
Цыганкоў: Аляксандр Лукашэнка зноў наведаў чарговае прадпрыемства, што на гэты раз скончылася звальненьнем кіраўнікоў прадпрыемства і пагрозамі на адрас ураду. Чым можна патлумачыць такую актыўнасьць прэзыдэнта, ці мае яна палітычныя альбо эканамічныя прычыны? Якія электаральныя мэты спрабуе дасягнуць Лукашэнка такімі паездкамі?
Казакевіч: Я б хутчэй разглядаў такія захады Лукашэнкі як прафіляктычныя. Нельга сказаць, што штосьці падобнае не рабілася раней. Гэта дастаткова звыклы ход – прыехаць на завод, наладзіць там разнос… Эканамічная сытуацыя ня вельмі добрая, напружанасьць у грамадзтве расьце. Таму трэба гэтую напружанасьць здымаць такімі акцыямі.
Думаю, Лукашэнка інстынктыўна адчувае, што трэба нешта такое рабіць, каб пераключыць увагу зь яго на ўрад, з ураду на дырэктараў.
Цыганкоў: Наколькі рэалістычная на сёньня адстаўка ўраду Міхаіла Мясьніковіча? Ён вытрымаў і валютны крызіс, і дэвальвацыю. Ваш прагноз, колькі ён яшчэ пратрымаецца?
Казакевіч: Я б не хацеў даваць прагнозы, бо гэта залежыць не ад нейкіх парамэтраў, паказчыкаў працы ўраду, якія можна дакладна вымераць, а хутчэй ад раскладаў унутры кіраўніцтва. Адстаўка ўраду магчымая ў любы момант.
У мяне такое адчуваньне, што ніхто там вельмі моцна за сваю пасаду не трымаецца. Бо ў такой складанай эканамічнай сытуацыі здабыць нейкія палітычныя дывідэнды на гэтай пасадзе не атрымаецца, хутчэй наадварот.
Гэта і ёсьць гарантыя пэўнай устойлівасьці цяперашняга ўраду, бо брацца за такую задачу ня так і шмат ахвотных. Натуральна, сярод тых, хто можа гэтым урадам кіраваць, бо гэта вельмі няпростая задача.
