Заяўнік, Аб’яднаная грамадзянская партыя, плянавала прымеркаваць гэтыя акцыі да другой гадавіны прэзыдэнцкіх выбараў, якія адбыліся 19 сьнежня 2010 году. 91 заяўку на пікеты падалі актывісты АГП.
Ганна Красуліна з офісу АГП ў Менску: «Адмовы прыйшлі на 63 заяўкі. Гэта дадзеныя на першую палову дня, калі я зьбірала інфармацыю. Астатнія — проста пакуль няма адказу, ані станоўчага, ані адмоўнага. Але падкрэсьлю, што ніводнага станоўчага рашэньня паводле заявак на пікеты няма. Адмовы паводле розных прычын.
З Бабруйску прыйшла адмова на падставе таго, што ў законе аб масавых мерапрыемствах няма слова пікет, а ёсьць толькі пікетаваньне. А слова „пікет“ яны, аказваецца, не разумеюць.
Але на самой справе ў адмовах крэатыву гэтым разам мала, мы нават крыху расчараваныя. У асноўным чыноўнікі проста спасылаюцца на пункт 9 закону і ня кажуць, што менавіта ў месцы, якое мы просім для пікетаваньня, іх не задавальняе. Прычым часьцей за ўсё гэтыя месцы мы бралі са сьпісу, які прапаноўвалі самі прадстаўнікі ўлады падчас нядаўняй кампаніі па выбарах у Палату прадстаўнікоў.
І як парушэньне закону варта разглядаць тое, што вялікая колькасьць чыноўнікаў не адказала сваечасова».
Паводле Ганны Красулінай, гэтыя адмовы ня спыняць актывістаў АГП у справе інфармаваньня пра вынікі мінулых прэзыдэнцкіх выбараў:
«Пра тое, што два гады таму была разагнаная велізарная дэманстрацыя, якая пратэставала супраць несправядлівых выбараў. І пра тое, што кандыдат на прэзыдэнта Мікалай Статкевіч дагэтуль знаходзіцца за кратамі. І галоўнае — што выбары скрадзеныя ня проста, а каб распрадаваць потым краіну, што пагражае сувэрэнітэту, самому існаваньню Баларусі».
Паводле зьвестак з АГП, адмовы пэўных чыноўнікаў будуць заносіцца ў базу дадзеных, каб «потым яны не маглі сказаць, што не датычныя да таго, што адбываецца».
Ганна Красуліна з офісу АГП ў Менску: «Адмовы прыйшлі на 63 заяўкі. Гэта дадзеныя на першую палову дня, калі я зьбірала інфармацыю. Астатнія — проста пакуль няма адказу, ані станоўчага, ані адмоўнага. Але падкрэсьлю, што ніводнага станоўчага рашэньня паводле заявак на пікеты няма. Адмовы паводле розных прычын.
З Бабруйску прыйшла адмова на падставе таго, што ў законе аб масавых мерапрыемствах няма слова пікет, а ёсьць толькі пікетаваньне. А слова „пікет“ яны, аказваецца, не разумеюць.
Але на самой справе ў адмовах крэатыву гэтым разам мала, мы нават крыху расчараваныя. У асноўным чыноўнікі проста спасылаюцца на пункт 9 закону і ня кажуць, што менавіта ў месцы, якое мы просім для пікетаваньня, іх не задавальняе. Прычым часьцей за ўсё гэтыя месцы мы бралі са сьпісу, які прапаноўвалі самі прадстаўнікі ўлады падчас нядаўняй кампаніі па выбарах у Палату прадстаўнікоў.
І як парушэньне закону варта разглядаць тое, што вялікая колькасьць чыноўнікаў не адказала сваечасова».
Паводле Ганны Красулінай, гэтыя адмовы ня спыняць актывістаў АГП у справе інфармаваньня пра вынікі мінулых прэзыдэнцкіх выбараў:
«Пра тое, што два гады таму была разагнаная велізарная дэманстрацыя, якая пратэставала супраць несправядлівых выбараў. І пра тое, што кандыдат на прэзыдэнта Мікалай Статкевіч дагэтуль знаходзіцца за кратамі. І галоўнае — што выбары скрадзеныя ня проста, а каб распрадаваць потым краіну, што пагражае сувэрэнітэту, самому існаваньню Баларусі».
Паводле зьвестак з АГП, адмовы пэўных чыноўнікаў будуць заносіцца ў базу дадзеных, каб «потым яны не маглі сказаць, што не датычныя да таго, што адбываецца».