Цыганкоў: «Ужо ня першы раз розныя палітыкі заяўляюць, што Аляксандар Лукашэнка павінен паўстаць перад тым ці іншым міжнародным судовым органам. Ці стаіць за гэтымі заявамі нешта канкрэтнае, то бок — ці рыхтуе хто-небудзь канкрэтныя дакумэнты па прыцягненьні Лукашэнкі да міжнароднага суду?»
Чавусаў: «Калі адкінуць убок пытаньне пра юрыдычную магчымасьць прыцягненьня кіраўніка Беларусі да міжнароднага суду, то такія заявы найперш трэба разглядаць як палітычныя абвінавачаньні на адрас беларускага рэжыму і пастаноўку яго ў адзін шэраг з найбольш брутальнымі дыктатурамі сьвету. Кангрэсмэн Сьміт ня першы раз робіць такія заявы, і можна сказаць, што яны сталі адметнасьцю гэтага палітыка.
Але я адзначу, што ў 2012 годзе спадар Сьміт як старшыня адпаведнай камісіі Кангрэсу зьвярнуўся да адміністрацыі Абамы з пытаньнем пра падрыхтоўку матэрыялаў для адпаведнага звароту. Аднак прайшоў год, і пакуль нідзе не паведамлялася, што справа дайшла да нечага большага, чым выключна палітычнае асуджэньне».
Цыганкоў: «Ці могуць гэтыя спробы нанесьці сур’ёзную палітычную і іміджавую шкоду Аляксандру Лукашэнку? Ці ён ужо і так мае настолькі кепскі імідж, што яго цяжка папсаваць?»
Чавусаў: «Што тычыцца пэрсанальнага іміджу беларускага кіраўніка, то наўрад ці новыя заявы Сьміта дададуць нейкай чорнай фарбы да і так ня вельмі прывабнага партрэту беларускага лідэра. Зь іншага боку, гэта яшчэ больш пагаршае вобраз Беларусі на ўсясьветнай арэне і ставіць яе ў адзін шэраг з самымі крывавымі дыктатурамі. Варта нагадаць, што пад юрысдыкцыю Міжнароднага суду трапляюць вельмі цяжкія злачынствы — генацыд, ваенныя злачынствы, злачынствы супраць чалавецтва.
Калі замежнікі прыяжджаюць у Беларусь, то чакаюць тут убачыць значна горшую карціну і зьдзіўляюцца, што тут не стаяць канцлягеры на кожным кроку. Але імідж Беларусі менавіта такі».
Чавусаў: «Калі адкінуць убок пытаньне пра юрыдычную магчымасьць прыцягненьня кіраўніка Беларусі да міжнароднага суду, то такія заявы найперш трэба разглядаць як палітычныя абвінавачаньні на адрас беларускага рэжыму і пастаноўку яго ў адзін шэраг з найбольш брутальнымі дыктатурамі сьвету. Кангрэсмэн Сьміт ня першы раз робіць такія заявы, і можна сказаць, што яны сталі адметнасьцю гэтага палітыка.
Але я адзначу, што ў 2012 годзе спадар Сьміт як старшыня адпаведнай камісіі Кангрэсу зьвярнуўся да адміністрацыі Абамы з пытаньнем пра падрыхтоўку матэрыялаў для адпаведнага звароту. Аднак прайшоў год, і пакуль нідзе не паведамлялася, што справа дайшла да нечага большага, чым выключна палітычнае асуджэньне».
Цыганкоў: «Ці могуць гэтыя спробы нанесьці сур’ёзную палітычную і іміджавую шкоду Аляксандру Лукашэнку? Ці ён ужо і так мае настолькі кепскі імідж, што яго цяжка папсаваць?»
Чавусаў: «Што тычыцца пэрсанальнага іміджу беларускага кіраўніка, то наўрад ці новыя заявы Сьміта дададуць нейкай чорнай фарбы да і так ня вельмі прывабнага партрэту беларускага лідэра. Зь іншага боку, гэта яшчэ больш пагаршае вобраз Беларусі на ўсясьветнай арэне і ставіць яе ў адзін шэраг з самымі крывавымі дыктатурамі. Варта нагадаць, што пад юрысдыкцыю Міжнароднага суду трапляюць вельмі цяжкія злачынствы — генацыд, ваенныя злачынствы, злачынствы супраць чалавецтва.
Калі замежнікі прыяжджаюць у Беларусь, то чакаюць тут убачыць значна горшую карціну і зьдзіўляюцца, што тут не стаяць канцлягеры на кожным кроку. Але імідж Беларусі менавіта такі».
