Уладзімер Пуцін не пагадзіўся са сьцьвярджэньнямі аб тым, што маўзалей Леніна ня мае сувязі з расейскімі гістарычнымі і рэлігійнымі традыцыямі.
Пуцін адзначыў, што прычына росту агрэсіўных настрояў у грамадзтве зьвязана са стратай традыцыйных маральных арыенціраў і каштоўнасьцяў.
«Пасьля развалу Савецкага Саюзу нічога ўзамен не атрымалася. Нават камуністычная ідэалёгія выйшла з пастулятаў рэлігіі, у прыватнасьці, нават Кодэкс будаўнікоў камунізму. Кажуць, што Маўзалей не адпавядае традыцыям. Чаму? Паглядзіце мошчы ў Кіеўска-Пячэрскай ляўры, іншых манастырах. Вы можаце іх глядзець. Вядома, нам трэба вярнуцца да каранёў, але, безумоўна, на адпаведным узроўні», — сказаў прэзыдэнт Расеі.
Пуцін таксама падтрымаў ініцыятыву аб адраджэньні званьня «Герой працы».
