Ранейшага кіраўніка Мінкульту Паўла Латушку прызначылі Надзвычайным і Паўнамоцным амбасадарам Беларусі ў Францыі.
Прызначаючы Барыса Сьвятлова міністрам культуры, Аляксандар Лукашэнка даў яму асобнае даручэньне, зьвязанае з рэканструкцыяй Купалаўскага тэатру:
«Мне абяцаюць, што ў новым тэатры на гэтай пляцоўцы „Паўлінка“ будзе ісьці ў новым прачытаньні. Я з задавальненьнем прыйду, пагляджу, і мы адкрыем гэты тэатар. Гэта будзе адзін з найлепшых тэатраў Эўропы. Там паводле апошняга слова тэхнікі ўсё зроблена: і сцэна, і ўмовы для артыстаў».
Таксама асаблівую ўвагу міністар зьверне на новы будынак музэю Вялікай Айчыннай вайны. «Гэта павінны быць храм, самы годны музэй», — сказаў Сьвятлову кіраўнік дзяржавы.
Яшчэ адзін кірунак працы для новага міністра — слуцкія паясы.
«Нам патрэбна гэты праект разьвіваць, зрабіць яго годным і не фальшывым. Патрэбна ўзнавіць гэтую вытворчасьць. Няхай мы няшмат спачатку будзем рабіць гэтых паясоў, але яны павінны быць ня горшымі за тыя, што былі ў свой час», — арыентаваў Барыса Сьвятлова Аляксандар Лукашэнка.
Аляксей Дудараў, драматург, старшыня Саюзу тэатральных дзеячаў Беларусі:
«Ён працаваў намесьнікам міністра культуры некалі, таму гэтую працу ведае. Апошнім часам узначальваў Унівэрсытэт культуры і мастацтваў.
Ну што, дай Бог, каб ён працягваў тое, што Павал Паўлавіч Латушка рабіў на гэтай пасадзе. Што да тэатру, я думаю, што Барыс Уладзімеравіч Сьвятлоў таксама не прапускаў ніводнай прэм’еры. Будзе ён рабіць усё тое самае, што Павал Паўлавіч рабіў».
Паэт, лідэр грамадзянскай кампаніі «Гавары праўду!» Ўладзімер Някляеў кажа, што пакуль імя Барыса Сьвятлова яму ні пра што не гаворыць:
«Абсалютна невядомая для мяне асоба. Наагул, пасада любога міністра — гэта пасада чыноўніка. Але калі мець на ўвазе нашу сытуацыю, усё зьвязваецца з пэрсаналіямі. На пасадзе міністра культуры якраз пажадана мець аўтарытэтнага чалавека, якому б дзеячы культуры, людзі, прыхільныя да культуры, давяралі і зьвязвалі зь ім свае спадзяваньні. У спадара Сьвятлова, рэктара Ўнівэрсытэту культуры, нічога гэтага пакуль што няма. Але нічога гэтага, зь іншага боку, не было і ў спадара Латушкі, калі ён прыйшоў у культуру. Так што ўсё залежыць ад таго, як будзе дзейнічаць і што прапаноўваць спадар Сьвятлоў на пасадзе міністра культуры».
«Ад яго нічога ня будзе залежаць. У крэсла пасадзілі чарговую марыянэтку. У нас міністар культуры — ён жа ўсенародна абраны, ён жа гарант, ён жа прэзыдэнт... Калі ў краіне не існуе наагул ніякай цягі да культуры ва ўладаў, калі яны не разумеюць яе важнасьць і гэта дэкляруецца — што яна на апошнім месцы... Пра што мы кажам: міністар культуры Сьвятлоў? Ды хоць Леанарда да Вінчы прызнач! Нічога ня зьменіцца».
Барыс Сьвятлоў нарадзіўся ў 1958 годзе ў Менску. У 1980 годзе скончыў БДУ.
У 1980-х гадах працаваў старшым лябарантам, малодшым навуковым супрацоўнікам Інстытуту мастацтвазнаўства, этнаграфіі і фальклёру Акадэміі навук БССР. У 1989–1990 гадах — сябра рэдакцыйнай калегіі ўпраўлення мастацтваў Міністэрства культуры БССР, потым — памочнік міністра культуры БССР. У 1991–1994 гадах быў намесьнікам міністра культуры.
Пазьней працаваў у Міністэрстве культуры і друку, Фондзе падтрымкі беларускай культуры, у Нацыянальным прэс-цэнтры.
У 2003–2008 гадах быў рэктарам недзяржаўнага Інстытуту парлямэнтарызму і прадпрымальніцтва.
З 2008 году быў рэктарам Беларускага дзяржаўнага ўнівэрсытэту культуры і мастацтваў.
Бацька Барыса Сьвятлова Ўладзімер Сьвятлоў — кінарэжысэр, сябра Саюзу кінэматаграфістаў CCCР і Саюзу пісьменьнікаў Беларусі, у сталінскія часы быў рэпрэсаваны.
Прызначаючы Барыса Сьвятлова міністрам культуры, Аляксандар Лукашэнка даў яму асобнае даручэньне, зьвязанае з рэканструкцыяй Купалаўскага тэатру:
«Мне абяцаюць, што ў новым тэатры на гэтай пляцоўцы „Паўлінка“ будзе ісьці ў новым прачытаньні. Я з задавальненьнем прыйду, пагляджу, і мы адкрыем гэты тэатар. Гэта будзе адзін з найлепшых тэатраў Эўропы. Там паводле апошняга слова тэхнікі ўсё зроблена: і сцэна, і ўмовы для артыстаў».
Таксама асаблівую ўвагу міністар зьверне на новы будынак музэю Вялікай Айчыннай вайны. «Гэта павінны быць храм, самы годны музэй», — сказаў Сьвятлову кіраўнік дзяржавы.
Яшчэ адзін кірунак працы для новага міністра — слуцкія паясы.
«Нам патрэбна гэты праект разьвіваць, зрабіць яго годным і не фальшывым. Патрэбна ўзнавіць гэтую вытворчасьць. Няхай мы няшмат спачатку будзем рабіць гэтых паясоў, але яны павінны быць ня горшымі за тыя, што былі ў свой час», — арыентаваў Барыса Сьвятлова Аляксандар Лукашэнка.
Аляксей Дудараў пра Сьвятлова: «Ён будзе рабіць усё тое самае, што і Латушка»
Аляксей Дудараў, драматург, старшыня Саюзу тэатральных дзеячаў Беларусі:
«Ён працаваў намесьнікам міністра культуры некалі, таму гэтую працу ведае. Апошнім часам узначальваў Унівэрсытэт культуры і мастацтваў.
Ну што, дай Бог, каб ён працягваў тое, што Павал Паўлавіч Латушка рабіў на гэтай пасадзе. Што да тэатру, я думаю, што Барыс Уладзімеравіч Сьвятлоў таксама не прапускаў ніводнай прэм’еры. Будзе ён рабіць усё тое самае, што Павал Паўлавіч рабіў».
Някляеў пра Сьвятлова: «Усё залежыць ад таго, як будзе дзейнічаць і што прапаноўваць спадар Сьвятлоў»
Паэт, лідэр грамадзянскай кампаніі «Гавары праўду!» Ўладзімер Някляеў кажа, што пакуль імя Барыса Сьвятлова яму ні пра што не гаворыць:
«Абсалютна невядомая для мяне асоба. Наагул, пасада любога міністра — гэта пасада чыноўніка. Але калі мець на ўвазе нашу сытуацыю, усё зьвязваецца з пэрсаналіямі. На пасадзе міністра культуры якраз пажадана мець аўтарытэтнага чалавека, якому б дзеячы культуры, людзі, прыхільныя да культуры, давяралі і зьвязвалі зь ім свае спадзяваньні. У спадара Сьвятлова, рэктара Ўнівэрсытэту культуры, нічога гэтага пакуль што няма. Але нічога гэтага, зь іншага боку, не было і ў спадара Латушкі, калі ён прыйшоў у культуру. Так што ўсё залежыць ад таго, як будзе дзейнічаць і што прапаноўваць спадар Сьвятлоў на пасадзе міністра культуры».
Юры Хашчавацкі: «Ды хоць Леанарда да Вінчы прызнач, нічога ня зьменіцца!»
«Ад яго нічога ня будзе залежаць. У крэсла пасадзілі чарговую марыянэтку. У нас міністар культуры — ён жа ўсенародна абраны, ён жа гарант, ён жа прэзыдэнт... Калі ў краіне не існуе наагул ніякай цягі да культуры ва ўладаў, калі яны не разумеюць яе важнасьць і гэта дэкляруецца — што яна на апошнім месцы... Пра што мы кажам: міністар культуры Сьвятлоў? Ды хоць Леанарда да Вінчы прызнач! Нічога ня зьменіцца».
Даведка «Свабоды»
Барыс Сьвятлоў нарадзіўся ў 1958 годзе ў Менску. У 1980 годзе скончыў БДУ.
У 1980-х гадах працаваў старшым лябарантам, малодшым навуковым супрацоўнікам Інстытуту мастацтвазнаўства, этнаграфіі і фальклёру Акадэміі навук БССР. У 1989–1990 гадах — сябра рэдакцыйнай калегіі ўпраўлення мастацтваў Міністэрства культуры БССР, потым — памочнік міністра культуры БССР. У 1991–1994 гадах быў намесьнікам міністра культуры.
Пазьней працаваў у Міністэрстве культуры і друку, Фондзе падтрымкі беларускай культуры, у Нацыянальным прэс-цэнтры.
У 2003–2008 гадах быў рэктарам недзяржаўнага Інстытуту парлямэнтарызму і прадпрымальніцтва.
З 2008 году быў рэктарам Беларускага дзяржаўнага ўнівэрсытэту культуры і мастацтваў.
Бацька Барыса Сьвятлова Ўладзімер Сьвятлоў — кінарэжысэр, сябра Саюзу кінэматаграфістаў CCCР і Саюзу пісьменьнікаў Беларусі, у сталінскія часы быў рэпрэсаваны.