У СУБОТУ...
...і нядзелю суцэльная воблачнасьць, магчымы сьнег. Тэмпэратура на выходныя −4 — −7.
НЕ ПРАПУСЬЦІЦЕ:
У суботу аўдыёзапіс перадачы «Свабода на Белсаце». Аляксандар Лукашук, Юры Дракахруст, Мар’яна Драч і Яфім Фіштэйн абмяркоўваюць наступныя пытаньні: Ці быў багатым Іосіф Сталін? Што паказвае спажываньне напаказ? Багатыя людзі: рухавік прагрэсу, карупцыянэры ці паразыты?
У ГЭТЫЯ ДНІ Ў БЕЛАРУСІ І Ў СЬВЕЦЕ:
8 сьнежня
Дзяржаўны літаратурны музэй Янкі Купалы ў рамках праекта «Музэйныя лябірынты» запрашае наведаць «Вітрыны гарадзкога жыцьця пачатку ХХ стагодзьдзя». Пачатак у 13.00.
Баль у гонар Сафіі Гальшанскай у Менскім дзяржаўным палацы дзяцей і моладзі. Пачатак у 19.00.
9 сьнежня
Мітынг і ўрачыстае ўскладаньне кветак да помніка Максіму Багдановічу ў сквэры каля Опэрнага тэатру. Пачатак у 12.00.
ТАКСАМА Ў ГЭТЫЯ ДНІ:
8 сьнежня
1506 — абраньне вялікага князя літоўскага Жыгімонта Старога каралём польскім.
1812 — вайна 1812 году — войскі Расейскай імпэрыі займаюць Горадню.
1991 — у Белавескай Пушчы старшыня Вярхоўнага савету Рэспублікі Беларусь Станіслаў Шушкевіч, прэзыдэнт РСФСР Барыс Ельцын і прэзыдэнт Украіны Леанід Краўчук падпісалі Белавескія пагадненьні аб стварэньні СНД і спыненьні існаваньня СССР.
9 сьнежня
1976 — заснаваньне Беларускага дзяржаўнага музэю народнай архітэктуры і побыту.
1981 — у Менску адкрыўся помнік клясыку беларускай літаратуры Максіму Багдановічу.
1990 — Лех Валэнса атрымаў перамогу на прэзыдэнцкіх выбарах у Польшчы.
9 сьнежня
Міжнародны дзень барацьбы з карупцыяй.
Нарадзіліся:
8 сьнежня
65 да н.э. — Гарацый, старажытнарымскі паэт.
1542 — Марыя Сьцюарт, каралева Шатляндыі
1914 — Чэслаў Сіповіч, грэка-каталіцкі сьвятар, біскуп.
9 сьнежня
1842 — Пётр Крапоткін, расейскі тэарэтык анархізму, гісторык, літаратар.
1891 — Максім Багдановіч, беларускі паэт (пам. у 1917)
Памерлі:
8 сьнежня
1980 — Джон Ленан, брытанскі сьпявак і музыка, сябра рок-гурту «Бітлз».
1937 — Ігнат Дварчанін, беларускі пісьменьнік, публіцыст, грамадзкі дзяяч.
9 сьнежня
1268 — Войшалк, вялікі князь літоўскі.
1974 — Янка Шутовіч, беларускі літаратуразнавец, выдавец.
ЦЫТАТА НА ПАМЯЦЬ:
«Калісь глядзеў на сонца я,
Мне сонца асьляпіла вочы.
Ды што мне цемень вечнай ночы.
Калісь глядзеў на сонца я.
Няхай усе з мяне рагочуць
Адповедзь вось для іх мая:
Калісь глядзеў на сонца я,
Мне сонца асьляпіла вочы».
Максім Багдановіч