У Расеі пачынаецца суд у справе забойства Буданава
Юсуп Цімерханаў
У Расеі пачынаецца суд у справе забойства Буданава
Масгарсуд у панядзелак прыступае да разгляду па сутнасьці крымінальнай справы ў дачыненьні да Юсупа Цімерханава, якога абвінавачваюць у забойстве экс-палкоўніка расейскай арміі Юрыя Буданава.
Як чакаецца, пракурор абвесьціць абвінаваўчае заключэньне, а затым падсудны выкажа сваю пазыцыю ў справе. Таксама суд можа прыступіць да допыту сьведкаў абвінавачаньня.
Буданаў быў забіты 10 чэрвеня 2011 году ў Маскве. Паводле вэрсіі сьледзтва, галоўным матывам забойства для Цімерханава была помста за бацьку, забітага расейскімі вайскоўцамі ў Чачні ў 2000 годзе.
Сам Юры Буданаў ў 2003 годзе быў прысуджаны да 10 гадоў пазбаўленьня волі за забойства 18-гадовай чачэнкі Эльзы Кунгаевай. У студзені 2009 году ён выйшаў на волю.
Юры Буданаў
На сёньняшні дзень справа аб забойстве Буданава налічвае 18 тамоў, плянуецца дапытаць каля 30 сьведкаў.
