Лінкі ўнівэрсальнага доступу

Сьледам за міліцыянтамі за гібель школьніка адказалі чыноўнікі


Кветкі і цацкі ля 23-й школы, архіўнае фота
Кветкі і цацкі ля 23-й школы, архіўнае фота
30 лістапада стала вядома, што «службовая неадпаведнасьць» стала прычынай звальненьня старшыні Камітэту па адукацыі Менгарвыканкаму Ўладзімера Шчэрбы і начальніка ўпраўленьня адукацыі Фрунзэнскага раёну Станіслава Койпаша. У ведамствах патлумачылі, што адказныя асобы звольненыя «па згодзе бакоў».

Раней, 15 лістапада, Аляксандар Лукашэнка жорстка раскрытыкаваў міліцыю і гарадзкія ўлады за адсутнасьць парадку на школьных тэрыторыях. Першымі падалі ў адстаўку міліцэйскія афіцэры — намесьнік начальніка Дзяржаўтаінспэкцыі Менскe Канстанцін Страх і начальнік ДАІ Фрунзэнскага раёну сталіцы Юрый Жыхараў.

9-гадовы Ўладзік Грудзеў загінуў увечары 13 лістапада пад коламі аўтамабіля ў двары сваёй школы ў мікрараёне Сухарава. На кіроўцу завялі крымінальную справу справа па артыкуле «Парушэньне правілаў дарожнага руху асобай, якая кіравала транспартным сродкам, што пацягнула па неасьцярожнасьці сьмерць чалавека».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG