У інтэрвію агенцтву Reuters, адказваючы на пытаньне, ці гуляе ён у хакей з Пуціным, Лукашэнка сказаў:
«Ён кажа, мы яшчэ не гатовыя з тваёй камандай гуляць. Хрыбетнік дзесьці пашкодзіў ён. У дужаньні. Дужаўся дзесьці на дыване і пашкодзіў пазваночнік. Таму адкладаецца наша сустрэча. Я ведаю яго гэтую праблему. Ён любіць дужацца. Дужаўся, дужаўся, падняў чалавека, кідаў праз сябе, падвярнуў пазваночнік».
Прэсавы сакратар прэзыдэнта Расеі Дзьмітры Пяскоў адмовіўся камэнтаваць гэтыя словы кіраўніка Беларусі.