Лінкі ўнівэрсальнага доступу

Страта працы можа прывесьці да сардэчнага прыступу — у літаральным сэнсе


Беспрацоўная зьбірае капусту на фэрме каля Радашковічаў

Беспрацоўная зьбірае капусту на фэрме каля Радашковічаў

Дасьледнікі амэрыканскага Duke University выявілі, што ўзровень беспрацоўя значна павышае рызыку сардэчнага прыступу. І гэтая рызыка падвышаецца з кожным зьмененым месцам працы, а таксама з часам, патрачаным на пошук працы, паведамляе NBCNews.

Згубленае месца працы падвышае рызыку сардэчнага прыступу на 35 працэнтаў, у той час як зьмена аж чатырох месцаў працы падвышае рызыку на 63 адсоткаў. Беспрацоўныя маюць найбольшую рызыку сардэчнага прыступу на працягу году пасьля звальненьня.

Навукоўцы былі зьдзіўленыя вынікамі дасьледаваньня, паколькі высьветлілася, што вядомыя фактары рызыкі, такія як паленьне, гіпэртанія і цукровы дыябэт аказваюць меншы ўплыў, чым беспрацоўе.

Дасьледаваньне яшчэ раз пацьвердзіла, што некаторыя віды стрэсу могуць павялічыць рызыку сардэчна-сасудзістых захворваньняў.

Далейшыя дасьледаваньні будуць прысьвечаныя пытаньню, як псыхалягічная падтрымка можа дапамагчы паменшыць рызыку.

Гл. таксама: Як пазьбягаць сардэчных праблемаў?

XS
SM
MD
LG