Прэзыдэнт Мэксыкі Фэліпэ Кальдэрон, чые паўнамоцтвы сканчаюцца праз восем дзён, зноў прапанаваў зьмяніць афіцыйную назву сваёй краіны — «Злучаныя Штаты Мэксыкі» — на «Мэксыку», пад якой яе ведаюць ва ўсім сьвеце. Гэтае слова мае індзейскія карані.
Кальдэрон змагаецца за зьмену на працягу амаль 10 гадоў, аднак, мяркуючы па рэакцыі ў сацыяльных сетках, гэтая праблема мала хвалюе жыхароў краіны.
У чацьвер прэзыдэнт падпісаў дакумэнт аб канстытуцыйнай рэформе, прапанаваўшы адмовіцца ад назвы, прынятай у 1824 годзе, калі Мэксыка дамаглася незалежнасьці ад Гішпаніі — Estados Unidos Mexicanos.
«У назьве краіны Мэксыка не павінна больш малпаваць іншыя дзяржавы, як гэта было ў 19-м стагодзьдзі», — заявіў мэксыканскі прэзыдэнт.
Канстытуцыйная рэформа Кальдэрона павінна быць ухваленая абедзьвюма палатамі Кангрэсу і большасьцю мясцовых уладаў штатаў. Мэксыка адміністрацыйна складаецца з 31 штата і адной фэдэральнай акругі.
У сьнежні новым прэзыдэнтам краіны стане Энрыке Пэнья Ньета.
Кальдэрон змагаецца за зьмену на працягу амаль 10 гадоў, аднак, мяркуючы па рэакцыі ў сацыяльных сетках, гэтая праблема мала хвалюе жыхароў краіны.
У чацьвер прэзыдэнт падпісаў дакумэнт аб канстытуцыйнай рэформе, прапанаваўшы адмовіцца ад назвы, прынятай у 1824 годзе, калі Мэксыка дамаглася незалежнасьці ад Гішпаніі — Estados Unidos Mexicanos.
«У назьве краіны Мэксыка не павінна больш малпаваць іншыя дзяржавы, як гэта было ў 19-м стагодзьдзі», — заявіў мэксыканскі прэзыдэнт.
Канстытуцыйная рэформа Кальдэрона павінна быць ухваленая абедзьвюма палатамі Кангрэсу і большасьцю мясцовых уладаў штатаў. Мэксыка адміністрацыйна складаецца з 31 штата і адной фэдэральнай акругі.
У сьнежні новым прэзыдэнтам краіны стане Энрыке Пэнья Ньета.