Лінкі ўнівэрсальнага доступу

Ужо сёньня: гадавіна выраку Алесю Бяляцкаму


Бліц-агляд падзеяў у Беларусі і сьвеце 24-25 лістапада 2012 году.

НАДВОР’Е:

Суцэльная воблачнасьць, без ападкаў. +0..+2


У БЕЛАРУСІ І СЬВЕЦЕ:

24 лістапада

Мінская міжнародная канферэнцыя «У абарону лібералізму ва Усходняй Еўропе». Пачатак у 13.30. тэл. (029) 516-85-05

У галерэі сучаснага мастацтва «Ў» у рамках фестывалю Януша Корчака ў Мінску адбудзецца мерапрыемства (дзіцячы ранішнік) «Караль Мацюсь назаўжды». У праграме: прэзентацыя беларускага 3-томнік творы Януша Корчака; прагляд урыўкаў польскага мюзікла «Януш Корчак»; мастацкае чытанне пра прыгоды Матюся і Койтуся-чарадзея ад актрысы Ганны Хітрык. Пачатак у 14.00. Уваход вольны.

25 лістапада

Мінскі міжнародны адукацыйны цэнтр імя Ёханэса Рау пры падтрымцы Пасольства ФРГ у Беларусі запрашае журналістаў прыняць удзел у семінары-трэнінгу «Нефармальная адукацыя і СМІ». Тэл. для даведак: (044) 717-92-26, (017) 207-49-72, (025) 532-90-82.

У Кыргыстане мясцовыя выбары



ТАКСАМА Ў ГЭТЫЯ ВЫХОДНЫЯ:

24 лістапада

1996 г. — адбыўся рэфэрэндум, ініцыяваны Лукашэнкам, па ўнясеньні зьменаў у Канстытуцыю, а таксама аб пераносе Дня незалежнасьці на 3 ліпеня.

1997 г. — уладамі Беларусі закрытая газета «Свабода».

2006 г. — новым галоўным рэдактарам газэты «Наша ніва» стаў Андрэй Скурко.

2011 г. — гадавіна выраку Алесю Бяляцкаму


25 лістапада

Сусьветны дзень імігранта.

Міжнародны дзень барацьбы за ліквідацыю гвалту ў дачыненьні да жанчынаў, заснаваны Генэральнай Асамблеяй ААН 17 сьнежня 1999 году

1988 г. — трагічна загінула беларуская паэтка Яўгенія Янішчыц.

2004 г. — У Беларусі пачаў працу пастаянная Рада дэмакратычных сілаў.



ЦЫТАТА НА ПАМЯЦЬ

Гавары са мной па-беларуску
Будзе слоту абвяшчаць прагноз,
Лістабой учыніць ператруску.
Песьняй, што расчуліла да сьлёз

Я прыму цябе
па-беларуску.
Краю бесславёнага дачка,
Дзякуй лёсу, маю не ў нагрузку —
Зорны крыж Мацея Бурачка…

Ты ўва мне прызнаеш беларуску?
Сто разоў шукай другой красы,
А тым больш што сьвет даўно ня вузкі!
…Ды калі ты не бязродны сын —

Гавары са мной
па-беларуску!

Час — вар’ят, шалёнае таксі.
Толькі ўсё ж ня мысьлю я аб спуску.
Кажаш, што магілы зарасьлі?
Памаўчы са мной
па-беларуску.

Яўгенія Янішчыц


ГОД ТАМУ Ў ЗАГАЛОЎКАХ НА САЙЦЕ «СВАБОДЫ»

Парыж шакаваны прысудам Бяляцкаму

Рада Эўропы асуджае прысуд Алесю Бяляцкаму

Ежы Бузэк: Вызваліце Бяляцкага і ўсіх палітвязьняў!

Вырак Алесю Бяляцкаму: 4,5 года ўзмоцненага рэжыму з канфіскацыяй маёмасьці
XS
SM
MD
LG