Лінкі ўнівэрсальнага доступу

logo-print
Другі раз праводзіцца конкурс Belarus in Focus 2012, арганізаваны Інфармацыйным бюро салідарнасьці зь Беларусьсю. Журналісты могуць падаваць свае працы да 15 студзеня 2013 году.

Пераможцы атрымаюць грашовыя ўзнагароды ў памеры ад 500 да 2000 эўра. Усіх фіналістаў арганізатары конкурсу запросяць на двухтыднёвы навучальны курс – ён адбудзецца вясною 2013 году ў Варшаве.

Паведамляецца, што журы будзе аддаваць перавагу артыкулам, якія паказваюць Беларусь арыгінальна і па-наватарску і выходзяць за рамкі ярлыка «апошняй дыктатуры Эўропы». У склад журы ўвайшлі Андрэй Калесьнікаў («Коммерсантъ», Расея), прафэсар Дэйвід Марплз (Унівэрсытэт Албэрты, Канада), Олівэр Мані-Кэрл (Міжнародная фэдэрацыя журналістаў, Вялікая Брытанія) і Юлія Слуцкая (Інфармацыйнае бюро салідарнасьці зь Беларусьсю).

Леташнія артыкулы, адзначаныя па выніках першага конкурсу Belarus in Focus, былі апублікаваныя ў выданьнях «Haper’s Magazine» (ЗША), «The Independent» (Вялікая Брытанія) і «Delo» (Славенія).

Конкурс Belarus in Focus праводзіць Інфармацыйнае бюро салідарнасьці зь Беларусьсю ў супрацоўніцтве з «Press Club Polska».
XS
SM
MD
LG