Як паведаміла прэс-служба ўраду, 14 лістапада Мясьніковіч прыняў удзел у адкрыцьці Індыйскага міжнароднага гандлёвага кірмашу ў Дэлі, дзе прысутнічаў прэзыдэнт Індыі Пранаб Мукерджы.
На гэтым кірмашы сваю прадукцыю прадставілі больш за 60 беларускіх кампаній. Мясьніковіч заявіў, што найбольшую цікавасьць Беларусь мае да партнэрства з індыйскімі дзелавымі коламі ў прамысловасьці, фармацэўтыцы, мэталюргіі, энэргетыцы, сфэры высокіх тэхналёгій. Цяпер у Беларусі мае бізнэс больш за тысячу індыйскіх кампаній. Мясьніковіч заклікаў да пашырэньня індыйскай прысутнасьці ў эканоміцы Беларусі:
«Беларусь — надзейны эканамічны партнэр і добры мост паміж Эўропай і Эўразіяй. З улікам гэтага мы прапануем індыйскаму бізнэсу канкрэтныя праекты».
Сярод іншага Міхаіл Мясьніковіч прапанаваў дзелавым колам Індыі прыняць удзел у прыватызацыі і пашырэньні магутнасьцяў ААТ «Гродна Азот»:
«Тут можна, выкарыстоўваючы азотныя, калійныя і фосфарныя ўгнаеньні, рабіць кампанэнты для вашага рынку».
Апрача таго, Беларусь стварае ў Індыі вытворчасьць па сэрвісным абслугоўваньні БелАЗаў, плянуе арганізацыю сумесных вытворчасьцей аўтамабільнай і трактарнай тэхнікі.
«Мы прапануем ствараць сумесныя прадпрыемствы ў Індыі ў галінах, дзе беларусы маюць прызнаны вопыт вытворчасьці, тэхналёгіі і ноу-хау. Мы акажам пры гэтым выгадную інвэстыцыйную падтрымку», — падкрэсьліў прэм’ер-міністар Беларусі.
Ацэнка прапаноў Мясьніковіча незалежнымі экспэртамі — пазьней на нашым сайце.
На гэтым кірмашы сваю прадукцыю прадставілі больш за 60 беларускіх кампаній. Мясьніковіч заявіў, што найбольшую цікавасьць Беларусь мае да партнэрства з індыйскімі дзелавымі коламі ў прамысловасьці, фармацэўтыцы, мэталюргіі, энэргетыцы, сфэры высокіх тэхналёгій. Цяпер у Беларусі мае бізнэс больш за тысячу індыйскіх кампаній. Мясьніковіч заклікаў да пашырэньня індыйскай прысутнасьці ў эканоміцы Беларусі:
«Беларусь — надзейны эканамічны партнэр і добры мост паміж Эўропай і Эўразіяй. З улікам гэтага мы прапануем індыйскаму бізнэсу канкрэтныя праекты».
Сярод іншага Міхаіл Мясьніковіч прапанаваў дзелавым колам Індыі прыняць удзел у прыватызацыі і пашырэньні магутнасьцяў ААТ «Гродна Азот»:
«Тут можна, выкарыстоўваючы азотныя, калійныя і фосфарныя ўгнаеньні, рабіць кампанэнты для вашага рынку».
Апрача таго, Беларусь стварае ў Індыі вытворчасьць па сэрвісным абслугоўваньні БелАЗаў, плянуе арганізацыю сумесных вытворчасьцей аўтамабільнай і трактарнай тэхнікі.
«Мы прапануем ствараць сумесныя прадпрыемствы ў Індыі ў галінах, дзе беларусы маюць прызнаны вопыт вытворчасьці, тэхналёгіі і ноу-хау. Мы акажам пры гэтым выгадную інвэстыцыйную падтрымку», — падкрэсьліў прэм’ер-міністар Беларусі.
Ацэнка прапаноў Мясьніковіча незалежнымі экспэртамі — пазьней на нашым сайце.
