Лінкі ўнівэрсальнага доступу

Шушкевіч: Я чакаў перамогі Абамы, але не з такім адрывам


Станіслаў Шушкевіч

Станіслаў Шушкевіч

У гатэлі Crown Plaza амбасада ЗША зладзіла імпрэзу з нагоды прэзыдэнцкіх выбараў у гэтай краіне. Экспэрты, журналісты, грамадзкія дзеячы і палітыкі змаглі назіраць як тэлеканалы CNN і Euronews асьвятляюць падлік галасоў.

Старшыня Вярхоўнага савету 12-га скліканьня Станіслаў Шушкевіч сустракаўся з многімі прэзыдэнтамі ЗША: Білам Клінтанам, Джорджам Бушам-старэйшым, Джымі Картэрам, слухаў выступ Джэралда Форда. На гэтых выбарах спадар Шушкевіч жадаў перамогі рэспубліканцу Міту Ромні.

«Але я не дапускаў такой думкі, на жаль. Гэта было бачна. Думаю, што Абама — добры папуліст, выступае пераканаўча. Таму я меркаваў, што ён пераможа, але што так моцна, з такім адрывам — я не чакаў. Палітыка Абамы ўжо вядомая, і таму я занепакоены, што ад яе Беларусі лепей ня будзе».
XS
SM
MD
LG