Лінкі ўнівэрсальнага доступу

Някляеў: Амэрыка пацьвердзіла сваю расавую талерантнасьць


Уладзімер Някляеў
Уладзімер Някляеў

У гатэлі Crown Plaza амбасада ЗША зладзіла імпрэзу з нагоды прэзыдэнцкіх выбараў у гэтай краіне. Экспэрты, журналісты, грамадзкія дзеячы і палітыкі змаглі назіраць як тэлеканалы CNN і Euronews асьвятляюць падлік галасоў.

Экс-кандыдат на выбарах прэзыдэнта Беларусі Ўладзімер Някляеў кажа, што больш перажываў на гэтых выбарах за Барака Абаму:

«Нягледзячы на тое, што нібыта Ромні абяцаў больш энэргічную палітыку і нават казаў нейкія словы пра палітыку адносна дыктатарскіх рэжымаў, маючы на ўвазе ў тым ліку і Беларусь, тым не меней важная і пераемнасьць палітыкі. Асабліва для такой вялікай краіны, як ЗША. А па-другое, нашае жаданьне напружваць адносіны паміж дыктатарскімі і дэмакратычнымі рэжымамі, у прыватнасьці мелася на ўвазе тое, што Ромні казаў пра адносіны з Расеяй, што ён будзе лічыць Расею ворагам нумар адзін, то гэта наўрад ці дало б беларусам плён. Ня думаю, што такая палітыка нам на карысьць.

Нягледзячы на тое, што Абаму крытыкуюць за пасіўнасьць у зьнешняй палітыкі, але ўсё адно выводзіць войскі аднекуль, скажам з Аўганістану, лепей, чым іх уводзіць. Яшчэ мяне цешыць тое, што ЗША зноў паказалі прыклад міжрасавай цярпімасьці. Прайшло толькі два чалавечыя жыцьці з часу адмены рабства, і настолькі наперад рушыла Амэрыка. Я быў вельмі ўражаны, калі Абаму першы раз абралі, цяперашняе пераабраньне пацьвярджае, што гэта не выпадкова. Вось з чаго нам трэба браць прыклад, з той працы, якую правяла Амэрыка на шляху да міжнацыянальнай згоды».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG