Лінкі ўнівэрсальнага доступу

Ярашук: Амэрыканскія прафсаюзы падтрымалі Абаму


Аляксандар Ярашук

Аляксандар Ярашук

У гатэлі Crown Plaza амбасада ЗША зладзіла імпрэзу з нагоды прэзыдэнцкіх выбараў у гэтай краіне. Экспэрты, журналісты, грамадзкія дзеячы і палітыкі змаглі назіраць як тэлеканалы CNN і Euronews асьвятляюць падлік галасоў.

Прафсаюзны лідэр Аляксандар Ярашук двойчы слухаў выступы Абамы на зьездах амэрыканскіх прафсаюзаў:

«Прафсаюзы моцна падтрымліваюць Барака Абаму. Абама — другі прэзыдэнт пасьля Джона Кенэдзі, які адгукнуўся на запрашэньне і прыйшоў на зьезд прафсаюзаў. І трэба прызнаць, што Абама як раз праводзіць палітыку, скіраваную на тое, каб перш за ўсё задавальняць патрэбы простых людзей. З гэтага пункту гледжаньня я таксама за Абаму. Што да саміх выбараў, то іх ніяк нельга параўнаць з нашымі. Калі мы бачым, што ў ЗША да апошняй хвіліны ніхто не мог прадказаць вынік, то разумеем, што гэта сапраўдная канкурэнцыя, дэмакратыя, гэта сапраўдны выбар для амэрыканцаў, якія вольна прымаюць рашэньне адносна таго, каму даручыць лёс краіны на будучыя 4 гады».
XS
SM
MD
LG