Лінкі ўнівэрсальнага доступу

Мікалай Аўтуховіч лістуецца зь невядомай яму раней журналісткай


Мікалай Аўтуховіч

Мікалай Аўтуховіч лістуецца зь дзясяткамі, калі ня сотнямі людзей, якія дасылаюць яму свае паштоўкі, фатаздымкі, вялікія лісты з словамі падтрымкі і звычайнай інфармацыяй пра сваё жыцьцё.

Раней я паведамляў пра ліставаньне Аўтуховіча з грамадзкай актывісткай Тацянай Кім. Вось яшчэ адзін адрасат — журналістка з Ваўкавыску Адарыя Гуштын.

Гуштын: «Паведамляе, што гэтак шмат яму людзей піша, што, адказваючы ўсім, ён не пасьпявае нават чытаць газэты і кнігі. Я сама таксама пазнаёмілася зь ім празь ліставаньне. Сама я з Ваўкавыску і вельмі добра ведаю ягоную сытуацыю, але да перапіскі мы не былі знаёмыя». Пра Мікалая Аўтуховіча яна кажа, што ён заўсёды адказвае на лісты, але ня ўсе адказы даходзяць — перапынкі бываюць па два і больш месяцаў. «Хаця ніякіх рэвалюцыйных тэм мы не абмяркоўваем, але вось так працуе турэмная цэнзура».

Прадпрымальнік з Ваўкавыску Мікалай Аўтуховіч асуджаны на 5 гадоў нібыта за захоўваньне зброі — у Аўтуховіча знайшлі некалькі незарэгістраваных патронаў да паляўнічай стрэльбы. Прадпрымальнік кажа пра помсту ўладаў за ягоную барацьбу зь мясцовымі карупцыянэрамі.

Ваша меркаваньне

Паказаць камэнтары

XS
SM
MD
LG