НАДВОР’Е:
Удзень суцэльная воблачнасьць і моцны дождж. Тэмпэратура: плюс 7-9 градусаў.
НЕ ПРАПУСЬЦІЦЕ:
У нашым вечаровым эфіры «Падарожжа Свабоды», «Вольная Студыя», «Экспэртыза».
У БЕЛАРУСІ І СЬВЕЦЕ:
У Цэнтральнай навуковай бібліятэцы імя Коласа ў Менску (вул. Сурганава, 15) адбудзецца прэзэнтацыя кнігі польскага тэатразнаўца Зьбігнева Ендржыхоўскага «Гарадзенскія тэатры 1784–1864». Пачатак у 16.00.
У Горадні прэзэнтацыя аўдыёкнігі «Птушкі бяз гнёздаў» з успамінамі Ларысы Геніюш; вул. Будзённага, 48а, заля № 38, пачатак у 18.30.
ТАКСАМА Ў ГЭТЫ ДЗЕНЬ:
1922 — адбыліся выбары ў Сойм міжваеннай Польшчы, у які ад Блёку нацыянальных меншасьцяў трапілі 14 беларусаў.
1956 — адкрыцьцё ў Менску Дзяржаўнага мастацкага музэю Беларусі.
У гэты дзень нарадзіліся:
1893 — Кастусь Езавітаў, беларускі палітык, гісторык і публіцыст, удзельнік абвяшчэньня незалежнасьці Беларускай Народнай рэспублікі 25 сакавіка 1918г., сябра Рады БНР, міністар па вайсковых справах БНР (расстраляны НКВД у 1946 г.).
1907 — Міхал Вітушка, арганізатар пасьляваеннай антысавецкай партызанкі.
У гэты дзень памерлі:
1916 — паэтка Алаіза Пашкевіч (Цётка).
1954 — паэт Міхась Клімковіч, аўтар гімну БССР.
1996 — беларускі кінарэжысэр Віктар Тураў.
1997 — Сьвятаслаў Коўш, беларускі рэлігійна-грамадзкі дзяяч, сьвятар.
ЦЫТАТА НА ПАМЯЦЬ:
«Цераз моры, акіяны
Палячу ў далёкі край,
Бо люблю я ураганы,
Бо я ў буры чую рай,
Бо на дзікіх грывах хвалі
Маім думам лягчэй плыць,
Бо у дзікай, страшнай буры
Я аб песьні магу сьніць,
Бо я толькі на прасторах
Ў звонкай ліры маю слух,
Бо у дзікай, страшнай буры
Крэпне мой свабодны дух».
Цётка, «У дарогу» (1906)
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
У Горадні пускалі стрэлы сьвятога Губэрта