Лінкі ўнівэрсальнага доступу

Менск: прэм’ера фільма паводле твора Быкава


Кадр з фільму "У тумане", зьнятага па повесьці Васіля Быкава. Рэжысэр Сяргей Лазьніца

Кадр з фільму "У тумане", зьнятага па повесьці Васіля Быкава. Рэжысэр Сяргей Лазьніца

2 лістапада ў Менску адразу ў двух месцах пакажуць фільм Сяргея Лазьніцы «Ў тумане».

Прэм’ера адбудзецца ў Малой залі Палацу рэспублікі (20.00) і ў кінатэатры «Кастрычнік» (21.00)

Фільм пакажуць у межах міжнароднага кінафэстывалю «Лістапад».

Фільм зьняты паводле аднаіменнай аповесьці Васіля Быкава.

Дзеяньні адбываюцца ў 1942 годзе ў акупаванай Беларусі. Пуцявога абходчыка Сушчэню ілжыва абвінавачваюць у супрацоўніцтве з акупантамі. Два партызана прыходзяць на хутар да Сушчэні, каб пакараць яго.

Раней стужка «Ў тумане» была адзначаная на XXI Адкрытым фэстывалі кіно краінаў СНД, Латвіі, Літвы і Эстоніі «Кінашок-2012», які адбыўся ў Анапе.

Прыз за найлепшую мужчынскую ролю атрымаў беларускі актор Уладзімер Сьвірскі, выканаўца галоўнай ролі пуцявога абходчыка Сушчэні.

Фільм «У тумане» раней атрымаў прэстыжны прыз журы Міжнароднай фэдэрацыі кінапрэсы FIPRESCI на 65-м Міжнародным кінафэстывалі ў Канах, Гран-пры VI Міжнароднага кінафэстывалю імя Андрэя Таркоўскага «Люстэрка», прыз «Залаты абрыкос» на IX Міжнародным кінафэстывалі ў Ерэване і ўзнагароду Адэскага міжнароднага фэстывалю.


Рэжысэр фільму Сяргей Лазьніца нарадзіўся ў Баранавічах. Карціну зьнялі за 28 дзён у Латвіі. Гэта міжнародны кінапраект, яго ўдзельнікі — «Беларусьфільм», MA.JA.DE Fiction (Нямеччына), кінакампанія «Джы Пі» (Расея), Rija Films (Латвія), Lemming Film (Нідэрлянды), Фонд падтрымкі эўрапейскага кіно EURIMAGES.
XS
SM
MD
LG