Высокапастаўленыя чыноўнікі асабіста наведваюць гэтымі днямі некаторыя рэгіёны, якія ўяўляюць для Беларусі стратэгічны інтарэс. Апроч таго, удзельнікаў форуму пастаноўлена вызваліць ад сплаты консульскага збору. Пра гэта заявілі ў Нацыянальным агенцтве інвэстыцый і прыватызацыі.
Аднак экспэрты перакананыя: пры рэальнай цікавасьці да беларускай эканомікі замежным бізнэсоўцам ня цяжка будзе заплаціць нават 100 даляраў за нацыянальную візу. Іншая справа — ці захоча нехта рызыкаваць сваімі актывамі? Як кажа фінансавы аналітык Сяргей Чалы, апошні прыклад фактычнай нацыяналізацыі кандытарскіх фабрык «Камунарка» і «Спартак» наглядна сьведчыць, куды насамрэч могуць пайсьці грошы інвэстараў:
«Вядома, гэта праўда, што інвэстыцыйная прывабнасьць Беларусі пасьля гэтага прыкметна зьнізілася. І зроблена ўсё менавіта тады, калі для краіны настолькі важнае пытаньне станоўчага інвэстыцыйнага клімату. Плюс да ўсяго — адпаведныя словы так і прагучалі, бо Лукашэнка адкрытым тэкстам сказаў: на інвэстыцыйны клімат пляваць, для нас інтарэсы народу — вышэй за ўсё. Але ў дадзеным выпадку, хутчэй, інтарэсы дзяржавы, бо гаворка пра аднаўленьне долі дзяржавы, а ніякага не народу. Так што калі хтосьці не зразумеў, то яшчэ і на словах, адкрытым тэкстам было патлумачана, як усё гэта трэба разумець насамрэч».
Яшчэ некалькі гадоў таму беларускі ўрад паставіў задачу трапіць у трыццатку дзяржаў з найбольш прывабным інвэстыцыйным кліматам. Аднак адсутнасьць прыватызацыйных працэсаў у краіне і неабароненасьць патэнцыйных інвэстараў ад выпадкаў накшталт таго, які здарыўся з акцыянэрамі «Камунаркі» і «Спартака», спыняюць любы імпэт распачынаць бізнэс у Беларусі.
Аднак экспэрты перакананыя: пры рэальнай цікавасьці да беларускай эканомікі замежным бізнэсоўцам ня цяжка будзе заплаціць нават 100 даляраў за нацыянальную візу. Іншая справа — ці захоча нехта рызыкаваць сваімі актывамі? Як кажа фінансавы аналітык Сяргей Чалы, апошні прыклад фактычнай нацыяналізацыі кандытарскіх фабрык «Камунарка» і «Спартак» наглядна сьведчыць, куды насамрэч могуць пайсьці грошы інвэстараў:
«Вядома, гэта праўда, што інвэстыцыйная прывабнасьць Беларусі пасьля гэтага прыкметна зьнізілася. І зроблена ўсё менавіта тады, калі для краіны настолькі важнае пытаньне станоўчага інвэстыцыйнага клімату. Плюс да ўсяго — адпаведныя словы так і прагучалі, бо Лукашэнка адкрытым тэкстам сказаў: на інвэстыцыйны клімат пляваць, для нас інтарэсы народу — вышэй за ўсё. Але ў дадзеным выпадку, хутчэй, інтарэсы дзяржавы, бо гаворка пра аднаўленьне долі дзяржавы, а ніякага не народу. Так што калі хтосьці не зразумеў, то яшчэ і на словах, адкрытым тэкстам было патлумачана, як усё гэта трэба разумець насамрэч».
Яшчэ некалькі гадоў таму беларускі ўрад паставіў задачу трапіць у трыццатку дзяржаў з найбольш прывабным інвэстыцыйным кліматам. Аднак адсутнасьць прыватызацыйных працэсаў у краіне і неабароненасьць патэнцыйных інвэстараў ад выпадкаў накшталт таго, які здарыўся з акцыянэрамі «Камунаркі» і «Спартака», спыняюць любы імпэт распачынаць бізнэс у Беларусі.