Лінкі ўнівэрсальнага доступу

Аляксандар Лукашэнка падпісаў закон «Аб рэспубліканскім бюджэце на 2013 год». Пра гэта 26 кастрычніка паведаміла прэсавая служба кіраўніка дзяржавы.

Кіраўнік аналітычнага цэнтру «Стратэгія» Леанід Заіка з гэтай нагоды сказаў «Свабодзе»:

«Падпісаў і падпісаў. Там прырост ВУП на 8%, інфляцыя меншая за 20%. Гэта ўсё — нерэальна. Таму што ў наступным годзе Беларусь сутыкнецца з тым, чаго ў яе яшчэ ніколі не было. Трэба выплаціць тры мільярды даляраў па даўгах. А гэта — аж 10 „Алмазаў“! Я маю на ўвазе, што за гэтыя грошы можна пабудаваць каля дзясятка такіх нацыянальных бібліятэк, якая збудаваная ў Менску.

Таму і цэны падымаюцца і будуць падымацца. Паднялі на алькаголь, нават на малако і хлеб. Што гэта азначае? Азначае, што грошай будзе не хапаць. Расейцы перакрылі кісларод з нафтай. Кажуць: вярніце нафтапрадукты. А гэта яшчэ два з паловай мільярды мінус.

І ўзьнікае пытаньне, як будзеце вяртаць даўгі, зь якіх рэсурсаў? Адказу на гэтае пытаньне няма. У бюджэце гэтым на кожнага жыхара Беларусі 3200 даляраў доўгу. На сям’ю з чатырох чалавек — 12800 даляраў доўгу ўжо на сёньняшні дзень. Пра што далей казаць?!»

Ваша меркаваньне

Паказаць камэнтары

XS
SM
MD
LG