Лінкі ўнівэрсальнага доступу

У Тбілісі больш ня будзе парлямэнту


Мыцьцё новага будынку парлямэнту Грузіі ў Кутаісі, 20 кастрычніка 2012 году

Мыцьцё новага будынку парлямэнту Грузіі ў Кутаісі, 20 кастрычніка 2012 году

Сёньня ў Кутаісі адбываецца першае пасяджэньне новага парлямэнту Грузіі. Чакаецца, што пасяджэньне адкрые прэзыдэнт Міхаіл Саакашвілі. Дэпутаты абяруць старшыню, а таксама сфармуюць фракцыі і парлямэнцкія камітэты.

Першаму пасяджэньню парлямэнту папярэднічала бурная дыскусія аб мэтазгоднасьці пераносу заканадаўчага органа з Тбілісі ў другі па колькасьці насельніцтва горад краіны — Кутаісі, — адзначае карэспандэнт Радыё Свабода Георгі Кабаладзэ.

Адпаведная папраўка была занесеная ў канстытуцыю яшчэ за некалькі месяцаў да парлямэнцкіх выбараў 1 кастрычніка, на якіх перамагла апазыцыйная кааліцыя «Грузінская мара». Аднак кааліцыя мільярдэра Бідзіна Іванішвілі, нягледзячы на пераканаўчую перамогу (85 мандатаў з 150-ці) ўсё ж такі не валодае канстытуцыйнай бальшынёю і пакуль ня можа прыняць рашэньне аб вяртаньні парлямэнту ў сталіцу. Прычым стары будынак парлямэнту, на праспэкце Руставэлі, ужо прададзены інвэстару, і там праводзіцца маштабны рамонт.

Старшынёй парлямэнту, хутчэй за ўсё, стане адзін зь лідэраў «Рэспубліканскай партыі» — Давід Усупашвілі. Кааліцыя «Грузінская мара» і былая кіроўная партыя «Адзіны нацыянальны рух» сфармуюць па некалькі фракцыяў.

Тэарэтычна можа быць зацьверджаны новы ўрад Бідзіна Іванішвілі, але дэпутаты наўрад ці пасьпеюць зрабіць гэта сёньня.

XS
SM
MD
LG