Аляксандар Лукашэнка заявіў, што ня можа быць дыктатарам, бо для гэтага ў яго няма адпаведных рэсурсаў. Лукашэнка адзначыў, што гэта наогул супярэчыць яго сутнасьці. А абвінавачаньні ў дыктатуры выклікаюць у яго «пачуцьцё агіды». Камэнтуючы такія прызнаньні кіраўніка Беларусі мэтадоляг Уладзімер Мацкевіч адзначыў:
«Што тут камэнтаваць? Хлус ён ёсьць хлус. Гэта ня першы раз. Гэты чалавек заўсёды нясе такое, абы яго слухалі. Ён прыстасоўваецца да каштоўнасьцяў і патрабаваньняў слухача. Ён разумее, што ўсе брытанцы маюць каштоўнасьць дэмакратыі, таму ён будзе пеўнем, распускаць хвост як паўлін, паказваць, што ён дэмакрат. Гэта звычайны паранаідальна-ісьцероідны тып паводзінаў. Тут і тлумачыць нічога ня трэба».
Паводле палітоляга Аляксандра Класкоўскага, гэта традыцыйны матыў, калі Лукашэнка адказвае на пытаньні заходніх журналістаў. Бо галоўнае абвінавачаньне з вуснаў дэмакратычнага сьвету палягае ў тым, што ў Беларусі няма дэмакратыі, а ёсьць дыктатура.
«І Лукашэнка стараецца, натуральна, як яго вучылі з маладосьці, даваць адлуп праклятым буржуінам, імпэрыялістам. Вось ён і дае як разумее. Аднак яго аргумэнтацыя вельмі такая спэцыфічная. У яго рэфрэн гучыць, што ў нас няма ўмоў для дыктатуры, няма нафты, няма ядзерных ракет. Не ідзе гаворка пра тое, што дыктатура гэта ў прынцыпе брыдка. А вось няма проста рэсурсу, няма ўмоваў для дыктатуры. Пры тым, што ён даволі агрэсіўна дае такія інтэрвію, гучыць такое стоенае жаданьне, каб яго ўсё ж прызналі ў заходнім сьвеце. Гэта такі ўжо зашмальцаваны набор тэзаў, экспартны варыянт. Але як і беларускі тавар матэрыяльнага кшталту ўсё горай ідзе, бо ён не мадэрнізаваны, па саўковых тэхналёгіях зроблены, так і вось гэты ідэалягічны тавар».
Таксама Лукашэнка заявіў, што лічыць Беларусь цэнтрам Эўропы, але яна не можа быць сябрам эўрапейскай супольнасьці з-за непрымальных умоваў, якія высоўваюцца Захадам. Паводле палітоляга Алеся Лагівнца, Лукашэнка чарговы раз прынізіў беларускі народ, кажучы, што беларускі народ не гатовы да дэмакратыі:
«Можа Лукашэнка асабіста не гатовы. І вельмі шкада,што за столькі гадоў знаходжаньня на чале дзяржавы ён не ўсьвядоміў, што дэмакратычныя інстытуты ўлады дазволілі б і яму скінуць шмат які груз з плячэй і бачыць квітненьне Беларусі. Ну хоча ён квітненьня Беларусі ці не — гэта іншае пытаньне. Але відавочна — гэта старая кружэлка, старая песьня рэжыму, што беларусы нібыта не гатовыя, што беларусы галасуюць. Хаця мы ведаем, што яны не галасуюць. Права беларусаў выбіраць сваю ўладу даўным-даўно ўкраў Лукашэнка. Таму гэта проста гульня ў вар’ята. Лукашэнка тым і адрозьніваецца, што ён вельмі шчыра можа верыць у тое, што ён кажа. Але тое, што ён кажа вельмі далёкае ад праўды».
«Што тут камэнтаваць? Хлус ён ёсьць хлус. Гэта ня першы раз. Гэты чалавек заўсёды нясе такое, абы яго слухалі. Ён прыстасоўваецца да каштоўнасьцяў і патрабаваньняў слухача. Ён разумее, што ўсе брытанцы маюць каштоўнасьць дэмакратыі, таму ён будзе пеўнем, распускаць хвост як паўлін, паказваць, што ён дэмакрат. Гэта звычайны паранаідальна-ісьцероідны тып паводзінаў. Тут і тлумачыць нічога ня трэба».
Паводле палітоляга Аляксандра Класкоўскага, гэта традыцыйны матыў, калі Лукашэнка адказвае на пытаньні заходніх журналістаў. Бо галоўнае абвінавачаньне з вуснаў дэмакратычнага сьвету палягае ў тым, што ў Беларусі няма дэмакратыі, а ёсьць дыктатура.
«І Лукашэнка стараецца, натуральна, як яго вучылі з маладосьці, даваць адлуп праклятым буржуінам, імпэрыялістам. Вось ён і дае як разумее. Аднак яго аргумэнтацыя вельмі такая спэцыфічная. У яго рэфрэн гучыць, што ў нас няма ўмоў для дыктатуры, няма нафты, няма ядзерных ракет. Не ідзе гаворка пра тое, што дыктатура гэта ў прынцыпе брыдка. А вось няма проста рэсурсу, няма ўмоваў для дыктатуры. Пры тым, што ён даволі агрэсіўна дае такія інтэрвію, гучыць такое стоенае жаданьне, каб яго ўсё ж прызналі ў заходнім сьвеце. Гэта такі ўжо зашмальцаваны набор тэзаў, экспартны варыянт. Але як і беларускі тавар матэрыяльнага кшталту ўсё горай ідзе, бо ён не мадэрнізаваны, па саўковых тэхналёгіях зроблены, так і вось гэты ідэалягічны тавар».
Таксама Лукашэнка заявіў, што лічыць Беларусь цэнтрам Эўропы, але яна не можа быць сябрам эўрапейскай супольнасьці з-за непрымальных умоваў, якія высоўваюцца Захадам. Паводле палітоляга Алеся Лагівнца, Лукашэнка чарговы раз прынізіў беларускі народ, кажучы, што беларускі народ не гатовы да дэмакратыі:
«Можа Лукашэнка асабіста не гатовы. І вельмі шкада,што за столькі гадоў знаходжаньня на чале дзяржавы ён не ўсьвядоміў, што дэмакратычныя інстытуты ўлады дазволілі б і яму скінуць шмат які груз з плячэй і бачыць квітненьне Беларусі. Ну хоча ён квітненьня Беларусі ці не — гэта іншае пытаньне. Але відавочна — гэта старая кружэлка, старая песьня рэжыму, што беларусы нібыта не гатовыя, што беларусы галасуюць. Хаця мы ведаем, што яны не галасуюць. Права беларусаў выбіраць сваю ўладу даўным-даўно ўкраў Лукашэнка. Таму гэта проста гульня ў вар’ята. Лукашэнка тым і адрозьніваецца, што ён вельмі шчыра можа верыць у тое, што ён кажа. Але тое, што ён кажа вельмі далёкае ад праўды».