Лінкі ўнівэрсальнага доступу

Палата прадстаўнікоў абярэ сваё кіраўніцтва


Зала пасяджэньняў Палаты прадстаўнікоў

Зала пасяджэньняў Палаты прадстаўнікоў

18 кастрычніка дэпутаты Палаты прадстаўнікоў пятага скліканьня на сваім першым пасяджэньні абяруць кіраўніцтва ніжняй палаты Нацыянальнага сходу.

Ранейшыя кіраўнікі — старшыня Ўладзімер Андрэйчанка і ягоны намесьнік Віктар Гумінскі — дарэчы, таксама ўвайшлі і ў цяперашні склад палаты. Таму нельга выключаць і такога варыянту, пры якім яны застануцца на сваіх ранейшых пасадах.

Першае пасяджэньне традыцыйна адкрывае старшыня Цэнтральнай выбарчай камісіі.

Выбары ў Палату прадстаўнікоў прайшлі 23 верасьня. Падчас іх абраныя 109 са 110 дэпутатаў. Многія ўплывовыя міжнародныя арганізацыі адзначылі, што выбары ў Беларусі не адпавядалі дэмакратычным стандартам правядзеньня выбарчых кампаніяў.

Плянуецца, што на першым пасяджэньні будзе прысутнічаць дэлегацыя Дзярждумы Расеі на чале зь першым намесьнікам старшыні Думы Іванам Мельнікавым.
XS
SM
MD
LG