Лінкі ўнівэрсальнага доступу

Максіма Бакіева выпусьцілі пад заклад


Максім Бакіеў (фота 2009 году)

Максім Бакіеў (фота 2009 году)

Прадстаўнікі міністэрства замежных спраў Кіргізстану паведамілі нашаму радыё, што сына былога кіргіскага прэзыдэнта Курманбека Бакіева, Максіма, якога арыштавалі ў Лёндане ў мінулую пятніцу, ужо выпусьцілі пад заклад.

35-гадовага Максіма Бакіева арыштавалі паводле абвінавачаньняў у спробе махлярства і перашкодзе правасудзьдзю ў Злучаных Штатах. У Кіргізстане Бакіева-малодшага таксама абвінавачваюць ў крадзяжы дзяржаўных сродкаў на мільёны даляраў.

7 сьнежня суд у Лёндане мае вырашыць пытаньне аб экстрадыцыі Максіма Бакіева ў ЗША.

Сам былы прэзыдэнт Кіргізстану Курманбек Бакіеў знаходзіцца ў Беларусі.

Раней начальнік дэпартамэнту па грамадзянстве і міграцыі МУС Аляксей Бягун заявіў, што нацыянальнае заканадаўства Беларусі не прадугледжвае публічнага раскрыцьця інфармацыі пра тое, у якім статусе знаходзяцца на тэрыторыі рэспублікі экс-прэзыдэнт Кіргізстана Курманбек Бакіеў і члены яго сям’і.

Кіргізстан дамагаецца выдачы Бакіевых, але афіцыйны Менск адмаўляе.
XS
SM
MD
LG